Naxçıvan şəhər C.Naxçıvanski adına 11 nömrəli tam orta məktəbdə xalq yazıçısı Hüseyn İbrahimovun 100 illik yubileyi ilə bağlı tədbir keçirilmişdir. Tədbiri giriş sözü ilə açan məktəbin direktoru İlahə Fərəcova qeyd etmişdir ki, Hüseyn İbrahimov yarım əsrdən artıq bir dövrü əhatə edən səmərəli ədəbi fəaliyyəti ilə müasir Azərbaycan ədəbiyyatının inkişafına töhfələr vermiş özünəməxsus yaradıcıllıq üslubuna malik simalardandır.
Bu cür maarifləndirici tədbirlərin şagirdlərin dünyagörüşünün formalaşmasında və Naxçıvan ədəbi mühitinin dərindən öyrənilməsində xüsusi əhəmiyyəti olduğu vurğulanıb. Tədbirdə şair Asim Əliyevin və Naxçıvan Şəhər Təhsil Şöbəsinin metodkabinet müdiri Sabir Məmmədovun xalq yazıçısı ilə bağlı xatirələri dinlənildi. Məktəbin ədəbiyyat müəllimlərindən Quliyeva Dürdanə “Ədbin ictimai fəaliyyəti”, Məmmədova Töhfə “Yazıçının hekayə yaradıçılığı”, Yusifova Gülşad isə “Yazıçının həyat və yaradıcıllığı” mövzularında məruzələr etdilər. Daha sonra şagirdlərin ifasında ”Əsrin onda biri” romanından parçalar və şairə həsr olunmuş şeirlər səsləndirildi.
Tədbirin sonunda Hüseyn İbrahimovun 100 illik yubileyi ilə bağlı film nümayişinə və guşəyə baxış keçirildi.
