16 dekabr 2019-cu il tarixdə Qarabağlar kənd 1 nömrəli tam orta məktəbin Riyaziyyat müəllimi Məmmədova Təhminə tərəfindən VI sinifdə nümunəvi dərs keçirilib. Riyaziyyat fənnindən keçirilən dərsin mövzusu “Mənfi və müsbət ədədlər” olub. Dövlət himnimizin səslənməsi ilə başlayan dərsdə mövzunu daha aydın dərk etməyə yardımçı vasitə kimi proyektor vasitəsi ilə video çarxlar və şəkillərdən istifadə edilib. Nümunəvi dərsin keçirilməsində məqsəd müvafiq fənn üzrə şagirdlərin bacarıqlarının daha da yüksəldilməsi, təlim prosesində müasir təlim metodlarının tətbiqi və müəllimlər arasında təcrübə mübadiləsinin aparılmasından ibarətdir.

Dərsdə vaxt düzgün bölünüb, vaxtdan səmərəli istifadə edilib. Şagirdlər qruplara bölünərək tədqiqat sualı ətrafında araşdırma aparıblar. Müşahidə, yazı işləri, sual və tapşırıqlar əsasında təlim məqsədinin nə dərəcədə reallaşdığı qiymətləndirilib.

Nümunəvi dərsdə Kəngərli Rayon Təhsil Şöbəsinin əməkdaşları, məktəb rəhbərliyi və müəllimlər iştirak edib.