Naxçıvan Muxtar Respublikasının 95 illiyi ilə əlaqədar Heydər Əliyev Uşaq-Gənclər Yaradıcılıq Mərkəzinin və Kəngərli Rayon Təhsil Şöbəsinin birgə təşkilatçılığı ilə 16 dekabr 2019-cu il tarixdə rayon ümumtəhsil məktəblərinin IX-XI şagirdləri arasında “Naxçıvanımızı tanıyaq” adlı bilik yarışının seçim mərhələsi aparılıb. Yarışın keçirilməsində əsas məqsəd Naxçıvan Muxtar Respublikasının tarixinin, mədəniyyətinin, təbiətinin məktəblilərə tanıdılması, məktəblilərə vətənpərvərlik hisslərinin aşılanması, intellektual və yüksək biliyə malik istedadlı şagirdlərin üzə çıxarılması, məktəblilərin asudə vaxtlarının səmərəli təşkilindən ibarətdir.

Keçirilən yarışda əsasnaməyə uyğun olaraq rayonun ümumtəhsil məktəblərindən 5 komandanın tərkibində 25 şagird iştirak edib. 4 turdan ibarət olan yarışda hər turu test, video, səsli sual formasında olmaqla 40 sual səsləndirilib.

Seçim mərhələsində ən yaxşı nəticə göstərən Xok kənd tam orta məktəbinin “Araz” komandası respublika birinciliyində iştirak hüququ qazanıb.