Sədərək  rayon  Təhsil  Şöbəsinin  təşkilatçılığı  ilə  Sədərək  kənd 1 nömrəli  tam  orta  məktəbində   açıq  dərs  keçirildi. 19  dekabr  2019 – cu  il  tarixdə  1  nömrəli  tam  orta  məktəbin  İngilis  dili  müəllimi  Qarayeva  Məhnurə  Ramiz  qızı XI sinifdə  “Customus differ”  (Adətlər  fərqlənir) mövzusunda  açıq  dərs  tədris  etdi. Dərs  məktəbin  elektron  lövhə  sinfində  yeni  təlim  metodlarına  və  buraxılış  imtahanlarının  dinləmə  bölməsinə  uyğun  hazırlanmış  slayd  dərslikdən  istifadə  olunaraq  tədris  olundu.

Müəllim  dərsi  fərdi, qruplar  və  kollektif  üsullarla  tədris  etdi. Müəllim  dərsə  şagirdləri  motivasiya  edərək  başladı, əvəlcədən  bölünmüş  qruplar  üzrə  düşündürücü  və  istiqamətləndirici  tədqiqat   sualları  təqdim  olundu. Suallara  əsasən  qrup  üzvlərinin  verdikləri  cavablar  kollektiv  şəkildə  müzakirə  olundu. Dərs  dialoqlar  şəklində aparıldı. Qruplar  qarşılıqlı  şəkildə  fikir  mübadiləsi  apardı. Nəticələr  çıxarıldı və  müzakirə  olundu.

Nəticələrə  əsasən  təlim  boyu  qiymətləndirmə  düzgün  şəkildə  aparıldı. İnteraktiv  dərs  zamanı  təlimin  bütün  mərhələləri  tam  icra  olundu.  Eyni  zamanda  interaktiv  dərsin  elektron  lövhə  sinfində  müasir  üsullarla  tədris  olunması  şagirdlərdə  dərsə  marağı  daha da  artırdı.