Naxçıvan şəhər  2 nömrəli tam orta məktəbdə 20 dekabr 2019-cu il tarixdə Naxçıvan Muxtar Respublikasının 95 illik yubileyinə həsr olunmuş “Doğma diyarım” adlı intellektual oyun keçirilmişdir.

Oyunun keçirilməsində əsas məqsəd Naxçıvan Muxtar Respublikasının mədəniyyətini, tarixini, ərazisini məktəblilərə aşılamaq,  dünyagörüşünü stimullaşdırmaq, bacarıq və istedadlarını üzə çıxarmaq,  eyni zamanda onları  intellektual fəaliyyətə cəlb etməkdən ibarətdir.

“Haçadağ”, “Möminə Xatun”, “Batabat”, “Əcəmi” komandalarının  gərgin, maraqlı və obyektiv mübarizə şəraitində  keçən intellektual oyununun  yekununda  “Əcəmi” komandası  I yerin qalibi olmuşdur.

Oyun zamanı məktəblilər tərəfindən doğma diyara aid şeir və rəqs ifaları da  səslənmişdir.

Oyunun sonunda qalib komanda və fəal iştirakçılar məktəb rəhbərliyi tərəfindən mükafatlandırılıb.