30 dekabr 2019-cu il tarixində Culfa şəhər 3 nömrəli tam orta məktəbdə 31 dekabr - Dünya Azərbaycanlılarının Həmrəyliyi günü və Yeni il münasibətilə bayram şənliyi keçirildi. Tədbirdə Culfa Rayon Təhsil Şöbəsinin əməkdaşları, valideyinlər, müəllim heyəti və şagirdlər iştirak edirdilər. Aparıcılar bayram tədbiri haqqında məlumat verdilər. Şagirdlərin hazırladıqları rəngarəng nömrələr alqışlarla qarşılandı.

Şaxta baba və Qar qız səhnəyə gələrək başlarına gələn sərgüzəştlərdən danışdılar. Şagirdlər arasında əyləncəli yarışlar keçirilmiş, yarışmanın qaliblərinə hədiyyələr verildi. Milli geyimdə rəqs edən şagirdlər tədbir iştirakçıları tərəfindən maraqla izləndi. Sonra Şaxta baba və Qar qız tərəfindən məktəbinin şagirdlərinə yeni il hədiyyələri təqdim edildi. Şagirdlərlə  Şaxta baba və Qar qız birgə rəqslər etdilər.