Naxçıvan şəhər 16 nömrəli tam orta məktəbdə “20 Yanvar Azərbaycan xalqının qəhrəmanlıq tarixidir” mövzusunda tədbir keçirildi. Tədbir iştirakçıları 20 Yanvar şəhidlərinin xatirəsini bir dəqiqəlik sükutla yad etdikdən sonra məktəbin direktoru Məlahət Rüstəmova “Yanvar qəhrəmanlarının şərəfli yolu” mövzusunda çıxış edərək, Azərbaycan xalqının müstəqillik və azadlıq uğrunda mübarizə səlnaməsində tarixləşən hadisələrdən danışdı. Məktəbin hərbi rəhbəri Salman Novruzov “20 Yanvar qəhrəmanları hec vaxt unudulmur” mövzusunda şəhidlərin qəhrəmanlıqları haqqında geniş məruzə ilə çıxış etdi.

IX sinif şagirdi Nurgül Möhbalıyeva isə “Yanvar qəhrəmanları” mövzusunda çıxış edərək, 20 Yanvar faciəsində vətənin ərazi bütövlüyü uğrunda şəhid olanların şanlı mübarizəsinin gənc nəsil üçün miras olduğunu və bu mirasın qorunub saxlanılmasının vacibliyini vurğuladı.

Tədbirdə məktəb şagirdlərinin ifasında xalqımızın qəhrəmanlıq səlnaməsi ilə baglı kompozisiyalar nümayiş etdirildi, mahnılar və şeirlər səsləndirildi.