29 yanvar 2020-ci il tarixdə Babək rayon Mədəniyyət evində Babək rayon İcra Hakimiyyəti və Babək rayon Təhsil Şöbəsi ilə birgə təşkil etdiyi Naxçıvan Muxtar Respublikası Ali Məclisinin Sədri tərəfindən təsdiq olunmuş Naxçıvan Muxtar Respublikası Ali Məclisinin Sədri yanında bilik Fondunun 2019-cu il üzrə tədbirlər planına əsasən nəşr olunmuş və "oxunması zəruri olan kitablar haqqında" Naxçıvan Muxtar Respublikası Ali Məclisi Sədrinin 28 avqust 2017-ci il Sərəncamı il təsdiq edilmiş kitabların siyahısına əlavə edilmiş publisist-politoloq Reyhan Mirzəzadənin “Pedaqoji fikir tarixindən” adlı kitabın müzakirəsi keçirilmişdir.
Müzakirəni giriş sözü ilə açan Babək rayon icra Hakimiyyətinin müavini Səbinə Abbasova kitabın muxtar respublika müəllimlərinə hədiyyə edilməsindən bəhs edərək bildirmişdir ki, bu kitab pedoqoji kollektivlər tərəfindən rəğbətlə qarşılanmış və hər müəllimin stolüstü kitabına çevrilmişdir. Kitabda XIX-XX əsrlərdə yaşamış Azərbaycan və Rusiya pedaqoqları, yazıçıları və ictimai xadimlərinin maraqlı fikriləri toplanmışdır.
Müzakirədə iştirak edən Babək rayon Təhsil Şöbəsinin Metod kabinə müdri Əbdüləli Mirzəyev qeyd etmişdir ki, “Pedaqoji fikir tarixindən” kitabı müəllimlərimizin, ələlxüsus da gənc müəllimlərimizin pedoqoq kimi yetişməsində əvəzsiz bir mənbə rolu oynayacaqdır. İnkişaf edən ölkəmizdə şagird-müəllim-valideyn tandeminin düzgün qurulmasında, şagirdlərə fərdi yanaşma tərzinin formalaşdırılmasında, ümumtəhsil məktəblərində təlim və tərbiyə işlərinin yenidən qurulmasında bu kitabdan bəhrələnən müəllimlərimiz kitabın ərsəyə gəlməsində əməyi keçən hər kəsə minnətdarlıq bildirmişdir.
Müzakirələrdə iştirak edən Babək rayon Cəhri kənd 1nömrəli tam orta məktəbin müəllimi Natiq Məmmədov kitabda yer almış rus və azərbaycan pedaqoqlarının fikirlərindən sitat gətirərək bildirmişdir ki, bu cür dəyərli fikirləri özündə cəm edən bir kitab sözün əsl mənasında gənc müəllimlər üçün təlim–tərbiyə işində mayak və bələdçi rolu oynayacaqdır. Natiq Məmmədov qeyd etmişdir ki, kitabın mətbuatda müzakirəsinin müəllifi olmuş və 06 aprel 2019- cu ildə “ Şərqin səhəri” qəzetinin 14-cü sayında dərc olunmuş məqaləsi məhz belə adlanmışdır Müəllimin stolüstü kitabı – “Pedaqoji fikir tarixindən” O bildirmişdir ki, kitab geniş oxucu auditoriyası, pedaqoqlar, şagird və və tələbələr üçün maraqlı elmi mənbə olmaqla bərabər, özündə mənəvi-tərbiyəvi əsərləri cəmləşdirən bir bilik mənbəyidir.
