Culfa Rayon Təhsil Şöbəsinin təşkilatçılığı ilə Naxçıvan Muxtar Respublikasının 96-ci il dönümü ilə əlaqədar rayonun ümumtəhsil məktəbləri arasında “Naxçıvan dünən və bu gün” mövzusunda rəsm müsabiqəsi keçirilmişdir. Müsabiqədə rayonun ümumtəhsil məktəblərindən 20 istedadı ilə seçilən şagird iştirak etmişdir. Tədbirdə Culfa Rayon Təhsil Şöbəsinin aparıcı məsləhətçisi Ramazan Abuzərov çıxış edərək keçirilən tədbirin mahiyyəti və şərtləri haqqında müsabiqə iştirakçılarına məlumat vermişdir.

Müsabiqənin nəticələrinə görə  Culfa şəhər 3 nömrəli tam orta məktəbin XI sinif şagirdi Cəfərova Narcan Nurəddin qızı I,  Ərəzin kənd tam orta məktəbinin VI sinif şagirdi Məmmədova Gültac Şüxrət qızı II, Culfa şəhər 3 nömrəli tam orta məktəbin  IX sinif şagirdi, Məmmədova Qətibə Cahangir qızı III yeri tutmuşdur.

Qaliblərə Culfa Rayon Təhsil Şöbəsinin diplomları verilmişdir.