Fevralın 7-də Naxçıvan şəhər 3 nömrəli tam orta məktəbin idman zalında məktəblərdə dostluq və idman əlaqələrinin gücləndirilməsi məqsədilə Naxçıvan şəhər ümumtəhsil məktəblərində fiziki tərbiyə dərslərini tədris edən müəllimlərdən ibarət komandalar arasında voleybol üzrə yoldaşlıq görüşü keçirilmişdir. Tədbirin açılış mərasimində çıxış edənlər yarışın keçirilmə məqsədi haqqında danışmış və komandalara uğurlar arzulamışlar.

Naxçıvan Şəhər Təhsil Şöbəsi, Naxçıvan Şəhər Gənclər və İdman İdarəsi və Uşaq-Gənclər İdman Məktəbinin birgə təşkilatçılığı ilə keçirilən görüşdə “Zirvə” və “Naxçıvan” komandaları iştirak etmişdir.

Beynəlxalq Voleybol Federasiyasının mövcud qaydalarına əsasən keçirilən görüşdə 3:1 hesabı ilə “Zirvə” komandası qalib gəlmişdir.

Sonda hər iki komandaya və komanda üzvlərinə təşkilatçıların diplom və fəxri fərmanları təqdim edilmişdir.