Ordubad Rayon Təhsil Şöbəsi, Gənclər və İdman İdarəsi və Uşaq-Gənclər İdman Məktəbinin birgə təşkilatçılığı ilə “Zərərli vərdişlərə yox deyək, həmişə sağlam olaq” devizi altında Ordubad rayonunda fəaliyyət göstərən tam orta ümumtəhsil məktəblərinin şagirdləri arasında voleybol üzrə rayon birincilik keçirilmişdir.
Yarış başlamazdan əvvəl Ordubad Rayon Gənclər və İdman İdarəsinin rəisi Hacı Sadiqov, Uşaq-Gənclər İdman Məktəbinin direktoru Elşən Əliyev yarış iştirakçılarına zərərli vərdişlərin insan orqanizmi və sağlamlığı üçün nə qədər təhlükəli olduğu haqqında geniş məlumat vermişlər. Daha sonra yarışa start verilmişdir.
Gərgin keçən oyunlar nəticəsində Vənənd kənd tam orta məktəbin komandası I, Xanağa kənd tam orta məktəbin komandası II, şəhər 3 nömrəli tam orta məktəbin komandası isə III yerdə layiq görülüb.
Sonda qalib idmançılara təşkilatçıların diplomları təqdim olunmuşdur.