Şagirdlərin asudə vaxtlarının səmərəli təşkili məqsədilə bu gün Ordubad rayon Tivi kənd tam orta məktəbində "Fizika gündəlik həyatımızda" adlı praktik dərs keçirilmişdir.

Dərsdə Ordubad rayon Bist və  Nəsirvaz kənd tam orta məktəblərindən  şagird və müəllimlər də iştirak etmişdir. Tədbirdə Tivi kənd tam orta məktəbinin direktoru Nəsimi Sultanov "Təbiət elmlərinin tədrisi zamanı praktik dərslərin əhəmiyyətli" başlıqlı geniş məruzəsindən sonra məktəbin fizika müəllimi Müşfiq Xəlilov tərəfindən Praktik dərs keçilmişdir.

Dərsdə Nyutonun II və III qanunu, dinamik arabacıqların hərəkəti, yaylı və riyazi rəqqasın hərəkəti, dinomometr vasitəsilə qüvvənin ölçülməsi, transformatorun quruluşu və iş prinsipi, naqillərin birləşməsi, Om qanununun yoxlanılması, elektrik dövrəsinin qurulması praktik olaraq şagirdlərə göstərilmişdir.

Praktik dərs şagirdlərdə böyük marağa səbəb olmuşdur.