Fevral 19-da Çalxanqala kənd tam orta məktəbində II-IV sinif şagirdləri arasında “Naxçıvan – doğma diyarım” adlı bilik yarışı keçirilib. Bilik yarışının keçirilməsində məqsəd  şagirdlərin intellektual səviyyəsinin, bacarıq və vərdişlərə yiyələnmə imkanlarının artırılması, əməkdaşlıq bacarıqlarının formalaşdırılması, məktəblilərin elmə, maarifləndirici yarışlara marağının artırılması, Naxçıvan Muxtar Respublikasının  zəngin milli mədəniyyətinin və tarixinin təbliği, eləcə də şagirdlərin asudə vaxtlarının səmərəli təşkili istiqamətində yeni üsullar tətbiq etməkdən ibarətdir.

Yarışda 6 komandada 24  şagird iştirak edib. Yarış 3 mərhələdə keçirilib. Qalib komandalar mərhələlər üzrə qazanılmış ümumi ballar əsasında müəyyən edilib.

Yarışın yekun nəticələrinə əsasən, “Əlincə” komandası  I, “Zirvə” komandası  II , “Mübariz” komandası isə  III yerə layiq görülüb.

Bilik yarışının qalibləri məktəb rəhbərliyi tərəfindən diplomlarla mükafatlandırılıb.