Fevralın 26-da Naxçıvan şəhər 10 nömrəli tam orta məktəbdə "Xocalı soyqırımı"nın 28-ci il dönümünün qeyd olunması ilə əlaqədar tədbir keçirildi. Məktəbin direktoru Anaxanım Axundova açdı. O öz çıxışında qeyd etdi ki, Xocalı soyqırımı azərbaycan tarixinə ən dəhşətli və faciəli səhifələrdən biri kimi daxil olmuşdur. Bu amansız və qəddar soyqırım insanlıq tarixinə ən qorxulu kütləvi terror aktlarından biri kimi daxil oldu. 1992-ci ilin fevralın 26-da Ermənistan hərbi birləşmələri Xocalı şəhərində genosit aktı həyata keçirdi.

Onlar şəhərə hücum edərək 3000-nə yaxın şəhərdə qalmış insanları blokadaya saldı, 613 nəfər öldürüldü, 1000 nəfər müxtəlif yaşlı dinc sakin aldığı güllə yarasından əlil oldu. 106 nəfər qadın, 63 az yaşlı uşaq, 70 qoca öldürüldü, 8 ailə tamamilə məhv edildi. 25 uşaq hər iki valideynini, 130 nəfər valideynlərindən birini itirdi. Bütün bunlar erməni hərbiçiləri tərəfindən xüsusi amansızlıqla və ağlasığmaz vəhşliklə həyata keçirilmişdir. A. Axundova qeyd etdi ki,ermənilərin Xocalı şəhərini hədəfə almaqda məqsədi Qarabağın Dağlıq hissəsində azərbaycanlılardan ibarət olan əhəmiyyətli maneəni aradan qaldırmaq, Azərbaycan tarixinin qədim dövrlərdən müasir dövrlərə qədər tarix və mədəniyyət ənənələrini məhv etdirmək idi. Biz Xocalı faciəsini unumamalıyıq. Dərslərimizdə şagirdlərə daim həmin hadisələrdən söhbət açmalı, Dağlıq Qarabagda baş verən hadisələrdən məlumat verməliyik.

Şagirdlər tərəfindən hazırlanmış şeirlər söylənmişdir. Xocalı hadisələrini əks etdirən slaydlar nümayiş etdirilmişdir.