Yeniyetmələri  intellektual  fəaliyyətə  cəlb etmək, onların  bu  sahədə  bilik  və  bacarıqlarını  artırmaq  dünya  görüşünü  və  asudə  vaxlarını  səmərəli  təşkil  etmək məqsədilə 2 mart  2020-ci  il  tarixdə  Şahbuz  rayonu   ümumtəhsil  məktəblərinin  komandaları  arasında “İntellektual Oyunlar Olimpiadası”  keçirildi.  Yarışda rayon ümumtəhsil məktəblərinin VIII -XI  sinif  şagirdlərindən  ibarət 16  komanda  iştirak  etmişdir.  İntellektual  oyunda  “Xəmsə” 4 komanda,  “Vətəni tanı” və “Paliqon”  6 komanda olmaqla  yarışmada   iştirak  etdilər.  Yarışmanın  yekununa görə  Keçili  kənd  tam  orta  məktəbinin komandası “Xəmsə” intellektual  oyununda  I yerin,  Şahbuz  şəhər  1 nömrəli  tam  orta  məktəbin  komandası II yerin,  Aşağı  Qışlaq  kənd  tam  orta  məktəbin  komandası III  yerin sahibi olmuşlar.

“Paliqon”  strateji intellektual  oyununda Sələsüz  kənd  tam  orta  məktəbinin  komadnası I yer, Ayrınc  kənd  tam  orta  məktəbinin  komandası  II yer, Külüs  kənd  tam  orta  məktəbinin   komandası  III  yeri  tutmuşdur.

“Vətəni  tanı”  oyununda  Şahbuzkənd  tam  orta  məktəbinin   komandası  I yer,  Badamlı  qəsəbə  tam  orta  məktəbinin  komandası II yer, Mahmudoba  kənd  tam  orta  məktəbinin  komandası III  yerdə  qərarlaşmışlar.

Qaliblərə  Şahbuz Rayon Təhsil Şöbəsinin diplomları və  komanda üzvlərinin hər  birinə  “Oxunması  zəruri  olan  kitablar” hədiyyə  edilmişdir.