Culfa Rayon Təhsil Şöbəsinin və Culfa Rayon Gənclər və İdman İdarəsinin birgə təşkilatçılığı ilə “Zərərli vərdişlərə yox deyək həmişə sağlam olaq” devizi altında rayon ümumtəhsil məktəblərinin oğlanlar komandaları arasında voleybol üzrə rayon birinciliyi keçirilmişdir. Tədbiri giriş sözü ilə Culfa Rayon Uşaq Gənclər İdman məktəbinin direktoru Şahin Qasımov və Culfa Rayon Gənclər və İdman İdarəsinin baş məsləhətçisi Elçin Cəfərov açaraq tədbirin mahiyyəti haqqında məlumat verərək  komandalara uğurlar arzulamışdırlar.

Yarışda ümumilikdə  10 komanda iştirak etmişdir. Gərgin keçən yarışmanın sonunda yekun nəticəyə əsasən

I yerin qalibi Culfa şəhər 3 nömrəli tam orta məktəbin komandası, II yerə Culfa şəhər 2 nömrəli tam orta məktəbin komandası,

III yerə Yaycı kənd 2 nömrəli tam orta məktəbin komandası layiq görülmüşlər.

Qalib komandalara və fərqlənən idmançılara təşkilatçılar tərəfindən diplom və hədiyyələr verilmişdir.