Ələsgərli Əfsanə Sahib qızı -1 fevral 1997-ci ildə Şahbuz rayonunun Qarababa kəndində anadan olub. 2003-cü ildə Qarababa kənd orta məktəbinin I sinfinə gedib. 2014-cü ildə həmin məktəbi bitirərək 498 balla Naxçıvan Dövlət Universitetinin fizika-riyaziyyat fakültəsinin riyaziyyat və informatika müəllimliyi ixtisasına daxil olub. Ali məktəblərə qəbul imtahanlarında yüksək bal toplamış tələbələrlə keçirilən  görüşdə Naxçıvan Muxtar Respublikası Ali Məclisin Sədri tərəfindən mükafatlandırılıb. 2019-cu ildə Naxçıvan Dövlət Universitetini ixtisası üzrə tam  kursunu bitirib.

Cari ildə Naxçıvan Muxtar Respublikası Ali Məclisin Sədri yanında Dövlət Qulluğu Məsələləri üzrə Komissiyada keçirilən müəllimlərin işə qəbulu müsabiqəsində iştirak etmiş, mümkün olan 80 bal üzrə 78 bal toplamışdır. Muxtar respublika üzrə ən yüksək nəticə göstərdiyi üçün Naxçıvan Muxtar Respublikasının Təhsil naziri tərəfindən diplomla təltif olunmuşdur.

3 fevral 2020-ci ildən etibarən Şahbuz rayon Sələsüz kənd tam orta məktəbində ixtisası üzrə müəllim işləyir.