“5 mart-Bədən Tərbiyəsi və İdman Günü” ilə əlaqədar 3 mart 2020-ci il tarixdə Ordubad şəhər 3 nömrəli tam orta məktəbin futbol meydançasında Ordubad Rayon Uşaq Gənclər İdman məktəbinin dərnək üzvlərinin arasında futbol üzrə yoldaşlıq görüşü keçirilmişdir. Yarışda “Ordubad”, “Dəstə”, “Vənənd”, “Sabirkənd” qrupları olmaqla  4 komanda iştirak etmişdir.

Tədbirdə məktəbin direktoru Elşən Əliyev çıxış edərək “5 mart - Bədən Tərbiyəsi və İdman Günü” münasibətilə iştirakçıları təbrik etmiş və keçirilən yarışın mahiyyəti haqqında məlumat vermişdir. Maraqlı keçən oyununun qalibləri müəyyən olunmuşdur. Belə ki,

I yerin qalibi “Ordubad” komandası,

II yerin qalibi “Dəstə” komandası,

III yerin qalibi isə “Sabirkənd” komandası olmuşdur.

Sonda qaliblərə məktəbin diplomları təqdim edilmişdir.