Martın 26-da Naxçıvan Muxtar Respublikasında Koronavirusla Mübarizəyə Dəstək Fondunun rəsmi internet saytı https://covid19fundnmr.az fəaliyyətə başlayıb.
Saytın yaradılmasında əsas məqsəd muxtar respublikada koronavirus infeksiyasının yayılmasının qarşısının alınması istiqamətində görülmüş işlərlə bağlı ictimaiyyətin operativ məlumatlandırılmasıdır.
Martın 26-da “Naxçıvan Muxtar Respublikasında Koronavirusla Mübarizəyə Dəstək Fondu”nun xəzinə hesabına Naxçıvan Muxtar Respublikası Təhsil Nazirliyinin kollektivi 23 464 manat, Naxçıvan Şəhər Təhsil Şöbəsinin kollektivi 73 074 manat, Heydər Əliyev adına tam orta məktəbin kollektivi 6 905 manat, Naxçıvan Qızlar Liseyinin kollektivi 4 645 manat, Naxçıvan Dövlət Texniki Kollecinin kollektivi 2 525 manat, Naxçıvan Texniki-Peşə və Sürücülük Məktəbinin kollektivi 793 manat, Naxçıvan Şəhər Peşə Liseyinin kollektivi 648 manat ianə köçürüb.
