Naxçıvan MR Təhsil Nazirliyinin təşkilatçılığı ilə Naxçıvan MR Təhsil Nazirliyinin birbaşa tabeliyində olan Naxçıvan MR Ekoloji Tərbiyə Mərkəzindən növbəti interaktiv dərs keçirilmişdir. Dərsi Biologiya üzrə fəlsəfə doktoru, Mərkəzin “Boimüxtəlifliyin qorunması “ dərnəyinin dərnək rəhbəri Abbasov Namiq Kamal oğlu tədris etmiş və dərs müddətində “Şahbuz Dövlət Təbiət Qoruğunun bitki örütü” haqqında şagirdlərə ətraflı məlumat vermişdir. Keçirilən dərsi Heydər Əliyev adına Hərbi Liseyin və 202 qoşulma ilə ümumtəhsil mkəktəblərinin şagirdləri izləmişlər.

Dərs zamanı məlumat verilərək bildirilmişdir ki, floristik  cəhətdən  özünəməxsus  xüsusiyyətlərə malik  olan Naxçıvan torpaqları ta qədim  zamanlardan təbib və səyyahların diqqət mərkəzində olsa da  ərazinin  bitki  ehtiyatlarının öyrənilməsinə  maraq  əsasən XVIII  əsrin əvvəllərindən  başlanılmışdır. Ədəbiyyat materialları və toplanmış herbarilərin araşdırılması nəticəsində məlum olmuşdur ki, Şahbuz Dövlət Təbiət Qoruğunun florası 116 fəsiləyə malik 504 cinsə daxil olan 1575 növ  bitkidən ibarətdir. Bu da Qafqaz florasının 21,00 %-ni, Azərbaycan florasının 35,00 %-ni, Naxçıvan florasının isə 55,56 %-ni təşkil edir.  Şahbuz  Dövlət Təbiət Qoruğu ərazisindəki 1575 növ bitkinin 49 növü ali sporlu bitkilərə  aiddir ki, bunlardan da Bryophyta-Mamırlar 39 (2,48 %) növlə, Equisetophyta-Qatlrquyruğukimlər 2 (0,13  %) növlə,  Polypodiophyta-Qıjıkimilər isə  8 (0.51%) növlə təmsil olunur.  Sporlu  bitkilər 41(8,15 %)  cinsə və 23 (19,83%)  fəsiləyə daxil  olmaqla ümumi floranın 3,11 %-ni (49 növ) təşkil edirlər. Çılpaqtoxumlular ərazidə 3 (2,59%) fəsiləyə daxil olan 3 (0.60%) cinsdə birləşmiş  6 növlə  təmsil  olunurlar  ki,  bu  da  floranın  0,38 %-ni təşkil edir. Cədvəldən  görünür ki, örtülütoxumlu  bitkilər ərazi  florasının  96,51 % -ni  (1520 növ)  təşkil edir.  Örtülütoxumlu  bitkilərin  12,95 % -ni (204 növ) birləpəlilər, və 83,56 % -ni (1316 növ) isə ikiləpəli bitkilər təşkil edir.

2018-ci ildə ümumtəhsil məktəblərini bitirən 2803 məzundan 2290-ı, yəni məzunların 81,7 faizi ali məktəblərə sənəd verib. Sənəd verən məzunların 610-u (26,6 faizi) I ixtisas qrupunu, 617-si (26,9 faizi) II ixtisas qrupunu, 761-i (33,2 faizi) III ixtisas qrupunu, 148-i (6,4 faizi) IV ixtisas qrupunu, 154-ü (6,7 faizi) isə V ixtisas qrupunu seçiblər. Sənəd verən məzunların 1228-i, yəni 53,6 faizini oğlanlar, 1062-si, yəni 46,4 faizini qızlar təşkil edib.

        Heydər Əliyev Uşaq Gənclər Yaradıcılıq Mərkəzinin Dekorativ rəsm dərnəyinin rəhbəri Səkinə Qarayeva, Rəsm dərnəyinin rəhbərləri Ramilə Bağırova və Səyyad Bayramovun iştirakı ilə AMEA-nın Naxçıvan bölməsinin Bioresurslar İnstitutunun "Nəbatət bağı" nda "Etüd" dərs keçirilib. Dərsin keçirilməsində məqsəd dərnək üzvlərinin bədii estetik zövqünü oxşamaq, dünyagörüşünü müsbət yöndə formalaşdırmaq, asudə vaxtlarının səmərəli keçirilməsini təmin etmək, rəsm sənətinə olan marağı artırmaq, istedadlı uşaqları aşkara çıxarmaqdır. Dərsdə Təhsil Nazirliyinin sektor müdiri Rasim Rüstəmov, mərkəzin direktoru Namiq Novruzov, direktor müavini Toğrul Həsənov iştirak etmişlər.