Ordubad Rayon Vənənd kənd tam orta məktəbinin psixoloqu Məmmədova Mətanət məktəbin şagirdlərinə “Ünsiyyət bacarıqlarının inkişafı və ünsiyyət problemlərinin həlli yolları” mövzusunda onlayn dərs keçmişdir.

Naxçıvan şəhər 7 nömrəli tam orta məktəbin XI sinif şagirdləri Sabirə Məmmədova və Abdulla Əliyevin 21 səhifəlik "Bizim diyarın möcüzəvi mineral suları" layihəsi Moskvada keçirilən “Bizim yaşadığımız dünya: məktəblilərin təlim-tədris və tədqiqat qrup layihələrinin II Açıq Beynəlxalq müsabiqəsi”nə göndərilib və münsiflər heyəti tərəfindən yoxlamadan keçərək müsabiqənin saytına yerləşdirilib.

Moskvada keçirilən Məktəblilərin “Elmə start” IX Beynəlxalq elmi-tədqiqat və yaradıcılıq müsabiqəsində iştirak edən Naxçıvan şəhər 7 nömrəli tam orta məktəbin X sinif şagirdi İlhamə Novruzova ikinci dərəcəli diplomla mükafatlandırılıb. Onun layhə rəhbəri AMEA Naxçıvan Bölməsinin Təbii Ehtiyatlar İnstitutunun əmkdaşı, kimya üzrə fəlsəfə doktoru, dosent Fizzə Məmmədovadır.

Naxçıvan Müəllimlər İnstitutunda 2020/2021-ci tədris ili üçün tələbə qəbulu planı yerləri artırılaraq bakalavr səviyyəsində 430-a, magistratura səviyyəsində 50-ə çatdırılıb.

Qəbul planına yeni ixtisaslar daxil edilib. Bu ildən Naxçıvan Müəllimlər İnstitutunda “Azərbaycan dili və ədəbiyyatı müəllimliyi”, “Fizika müəllimliyi”, “İnformatika müəllimliyi”, “Musiqi müəllimliyi” və “Texnologiya məllimliyi” ixtisasları üzrə də qəbul aparılacaq.