Elektron ərizələrin qəbulu müddəti 2020-ci il iyulun 10-dək uzadılıb.

Ali təhsil müəssisələrinə tələbə qəbulu ilə bağlı subbakalavrların əri­zələrinin qəbulu 2020-ci il iyunun 1-dən iyulun 10-dək internet vasitəsilə aparılacaq. Subbakalavrlar Dövlət İmtahan Mərkəzinin internet saytının ekabinet.dim.gov.az səhifə­sin­də “Şəxsi kabinet” yaratdıqdan sonra şəxsi kabi­netinin istifadəçi adı və parolundan istifadə etmək­lə DİM-in mü­va­fiq internet səhifəsinə daxil olub, “Subbakalavrın elektron ərizəsi” formasını təsdiq etməlidirlər.

Milli Qurtuluş Gününə həsr olunmuş Naxçıvan Muxtar Respublikası məktəblərinin şahmatçıları arasında komanda birinciliyi keçiriləcək.

Komanda birinciliyi 12-13 iyun 2020-ci il tarixlərdə şahmatçılar arasında dostluq və idman əlaqələrini inkişaf etdirmək məqsədilə Naxçıvan Şahmat Federasiyasının təşkilatçılığı ilə Şərur rayon Şahmat məktəbində keçiriləcək.

Məlum olduğu kimi, respublikanın ümumi təhsil müəssisələrində qüvvədə olan təhsil proqramına əsasən, 2020-ci ilin mart-iyun aylarında tədrisi nəzərdə tutulan mövzular qəbul imtahanı proqramından çıxarılıb və həmin mövzular DİM-in internet saytında yerləşdirilib.