Şərur rayonunun Muğancıq-Mehrab, Muğancıq-Müslüm və Məmmədsabir kəndlərində kompleks quruculuq işləri aparılıb.
Bu gün ölkəmizdə həyata keçirilən sosial-iqtisadi islahatlar əhalinin rifahının yüksəlməsinə və rahat yaşayışına hesablanıb. “Azərbaycanda həyata keçirilən siyasətin mərkəzində vətəndaş dayanır”,- deyən ölkə Prezidenti cənab İlham Əliyevin rəhbərliyi ilə Azərbaycan və onun Naxçıvan Muxtar Respublikası davamlı inkişaf mərhələsinə qədəm qoymuşdur. Şəhər, qəsəbə və kəndlərdə yeni sosial obyektlər inşa olunur, əhalinin rahat yaşayışı təmin edilir. Bu sahədə görülən işlər Şərur rayonunun da hərtərəfli inkişafına səbəb olub. Rayonun yaşayış məntəqələrində tikinti-quruculuq və abadlıq tədbirləri geniş vüsət alıb.
Müasir yol-nəqliyyat infrastrukturu dövlətin iqtisadi inkişafının göstəricisidir. Ona görə də Naxçıvan Muxtar Respublikasında avtomobil yolları yenidən qurulur, bütün kəndlərdə müasir yol şəbəkələri yaradılır.
Ali təhsil müəssisələrinə və tam orta təhsil bazasından kolleclərə sənəd qəbulunun başlaması ilə əlaqədər Şahbuz Rayon Təhsil Şöbəsi tərəfindən bir sıra işlər görülmüş, abituriyentlərə sənəd qəbulunda köməklik edilməsi, onların istiqamətləndirilməsi diqqətdə saxlanmışdır. İlk növbədə rayonun ümumtəhsil məktəblərinin XI sinfində təhsil alan şagirdlərə və onların valideynlərinə sənəd qəbulu qaydaları, qəbul imtahanları ilə bağlı yeniliklər haqqında ətraflı məlumatlar verilmişdir.
Sədərək Rayon Təhsil Şöbəsinin və Uşaq Gənclər Yaradıcılıq Mərkəzinin birgə təşkilatçılığı ilə şagirdlərin ev şəraitində asudə vaxtını səmərəli təşkil etmək, evdə olduqları müddətdə müxtəlif fəaliyyətlərlə motivasiya etmək, müxtəlif formalarda əl işlərindən ibarət rəsmlər hazırlamaq, yaradıcılıq bacarıqlarını inkişaf etdirmək məqsədi və “Evdə qal, yaradıcılıqdan qalma!” təşəbbüsü ilə onlayn rəsm müsabiqəsi keçirilib.
