“Abituriyent-2020: Buraxılış və qəbul imtahanları, ixtisas seçimi” mövzusunda yekun seminar fevralın 24-də Ordubad rayonunun XI siniflərində təhsil alan 260 şagirdin iştirakı ilə Ordubad Rayon “Mədəniyyət Evi”ndə keçirildi.

Seminarda Ordubad Rayon Təhsil Şöbəsinin aparıcı məsləhətçisi Əfqan Hüseynovun “Ötən ilin qəbul nəticələri və 2020-ci il qəbul imtahanlarına hazırlıq”, Naxçıvan Muxtar Respublikası Təhsil Nazirliyinin əməkdaşı Ayşən Əsgərovanın “2020/2021-ci tədris ili üçün bakalavriat səviyyəsi üzrə qəbul planı və 2020-ci ildə keçiriləcək qəbul imtahanının tarixləri”, Naxçıvan  Şəhər Təhsil Şöbəsinin baş məsləhətçisi Gülxanım Orucovanın “Buraxılış və qəbul imtahanlarına hazırlıq, ixtisas seçimi zamanı nələrə diqqət etməli”, Naxçıvan şəhər 13 nömrəli tam orta məktəbin psixoloqu Nubar Abdullayevanın “Abituriyentlərə imtahan qabağı psixoloji dəstək” mövzularındakı çıxışları dinlənilib.

Fevralın 24-də Naxçıvan şəhər ümumtəhsil məktəblərinin şagirdləri arasında Naxçıvan Şəhər Təhsil Şöbəsinin və Naxçıvan Şəhər Gənclər və İdman İdarəsinin birgə təşkilatçılğı ilə  “Oxunması zəruri olan kitablar”la bağlı viktorina keçirilmişdir.

Viktorina üçün “Oxunması zəruri olan kitablar”ın siyahısına daxil edilən ədəbiyyatımızın klassik nümunələrindən Nizaminin  “Hikmət və nəsihətləri”, Eynəli bəy Sultanovun “Məqalələri”, Nikolo Makiavellinin “Hökmdar” və “Təmsillər” kitabları əsasında suallar tərtib olunmuşdur.

Fevralın 24-də Sədərək rayon Təhsil şöbəsinin, Uşaq Gənclər Şahmat məktəbinin birgə təşkilatçılığı ilə Sədərək kənd 2 nömrəli tam orta məktəbində  Xocalı faciəsinin 28-ci ildönümünə həsr olunmuş Şahmat yarışı keçirilib.

Yarışda Təhsil şöbəsinin əməkdaşları, Şahmat məktəbinin müəllimləri və Sədərək kənd 2 nömrəli tam orta  məktəbin IX-X sinif şagirdləri iştirak edib.
Maraqlı keçən oyunun yekun nəticələrinə əsasən, I yerə  Əlirzayev Əsəd  Əlirza oğlu, II yerə  Əlizadə Mehdi Elməddin oğlu  və III yerə  Adnayev Elcan Elçin oğlu  layiq görülmüşlər.

Yarışın sonunda qaliblər müxtəlif hədiyyə və diplomlarla mükafatlandırılmışdır.