Naxçıvan Muxtar Respublikasında 9 sentyabr tarixindən etibarən ali təhsil müəssisələrinin xüsusi qabiliyyət tələb edən ixtisaslarına (XQTİ) qəbul olmaq üçün qabiliyyət imtahanlarının keçirilməsi nəzərdə tutulur.

Ali təhsil müəssisələrinin 10 xüsusi qabiliyyət tələb edən ixtisasına qəbul üçün qabiliyyət imtahanları Dövlət İmtahan Mərkəzi tərəfindən mərkəzləşdirilmiş qaydada keçiriləcək.

27 avqust 2020-ci il tarixdə Ordubad Rayon Təhsil Şöbəsi və Uşaq-Gənclər İdman Məktəbinin birgə təşkilatçılığı ilə rayon ümumtəhsil məktəblərinin oğlanlardan ibarət komandaları arasında “Zərərli vərdişlərə yox deyək” devizi altında futbol üzrə yarış keçirilib.

Şagirdlərin yay tətili müddətində asudə vaxtlarını səmərəli təşkil etmək məqsədilə keçirilən yarış Ordubad şəhər 3 nömrəli tam orta məktəbin stadionunda baş tutub.  Yarışda Dəstə və Ordubad komandaları üz-üzə gəlib. Maraqlı keçən yarış 5-3 hesabı ilə Dəstə komandasının xeyrinə yekunlaşıb.

Naxçıvan Muxtar Respublikası Culfa Rayon Uşaq-Gənclər Şahmat Məktəbi ilə Türkiyənin Hatay Şah Şahmat klubu arasında Yoldaşlıq görüşü keçiriləcək. Turnir 1 sentyabr saat 17:00-da Naxçıvan Muxtar Respublikası Şahmat Federasiyasının yerli bölməsi, Culfa Rayon Uşaq-Gənclər Şahmat məktəbi və  Hatay Şah Şahmat klubunun birgə təşkilatçılığı ilə Lichess.org saytında onlayn qaydada baş tutacaq.