25 avqust 2020-ci il tarixdə Muxtar Respublika Stadionunda atletikanın qaçış növü üzrə Naxçıvan şəhər birinciliyi keçirilib.
Tədbirin açılış mərasimində çıxış edən Naxçıvan Şəhər Gənclər və İdman İdarəsinin rəisi Xəyal Qurbanov bildirib ki, birinciliyin keçirilməsində məqsəd yeniyetmələrin yay tətilində asudə vaxtlarının daha da səmərəli keçirilməsini təşkil etmək və onları sağlam həyat tərzinə uyğunlaşdırmaqdan ibarətdir.
Abituriyentlər və subbakalavrlar bu gündən etibarən tam (11 illik) orta təhsil bazasında orta ixtisas təhsili müəssisələrinin və bəzi ali təhsil müəssisələrinin xüsusi qabiliyyət tələb edən ixtisasları (XQTİ) üzrə keçiriləcək xüsusi qabiliyyət imtahanlarında iştirak üçün qabiliyyət imtahanlarına buraxılış vərəqələrini çap edə bilərlər.
Naxçıvan Muxtar Respublikası Texniki Yaradıcılıq Mərkəzində yay tətili müddətində məktəblilərin asudə vaxtlarının səmərəli təşkili məqsədilə tədbirlər keçirilir. nöbəti belə tədbirlərdən biri də bu gün mərkəzin dərnək üzvlərilə keçirilən “Vaxt bölgüsündə nəyə diqqət etməliyik” mövzusunda müzakirə olub. Müzakirə mərkəzin təşkilati şöbə müdiri Lalə Əliyeva tərəfindən aparılıb. Dərnək üzvlərinə vaxtın düzgün bölünməsində nəyə diqqət etmək lazım olduğu haqqında geniş məlumat verən dərnək rəhbəri qeyd edib ki, əgər vaxtımızı düzgün qrafik və rejimlə bölsək məqsəd və arzularımıza daha asan, vaxtında çatar, dərslərimizi oxumaqla yanaşı istirahətə də zaman ayıra bilərik.
27 avqust 2020-ci il tarixdə Kəngərli Rayon Təhsil Şöbəsinin, Naxçıvan Muxtar Respublikası Şahmat Federasiyasının yerli bölməsinin, Kəngərli rayon Şahmat məktəbinin və Təhsil Respublika İdman Mərkəzinin Lənkəran şəhər Uşaq-Gənclər İdman Şahmat Məktəbinin birgə təşkilatçılığı ilə Şahmatçı idmançılar arasında www.lichess.org saytı vasitəsi ilə yoldaşlıq görüşü keçiriləcəkdir.
