Muxtar respublikada uşaq problemlərinin həlli istiqamətində müxtəlif layihələr həyata keçirilir, uşaqların müdafiə olunması və onlara qayğı göstərilməsi istiqamətində çoxsaylı işlər görülür. Pandemiya dövründə də uşaqlar diqqət və qayğı mərkəzindədir. Ordubad Rayon Təhsil Şöbəsinin təşkilatçılığı ilə rayon ümumtəhsil məktəblərinin müəllim və şagirdləri “1 İyun-Uşaqların Beynəlxalq Müdafiəsi Günü” ilə əlaqəli silsilə onlayn tədbirlər keçirirlər.

Babək rayon ümumtəhsil məktəblərinin kitabxanaçıları ilə onlayn müzakirə keçirilib. Babək Rayon Təhsil Şöbəsinin Metodkabinə müdiri Əbdüləli Mirzəyev kitabxana işinin təşkili ilə bağlı danışaraq qeyd edib ki, muxtar respublikada dövlət qayğısı ilə əhatə olunmuş ümumtəhsil məktəblərində kitabxanaların da maddi-texniki bazası möhkəmləndirilmiş, kitabxabxanalar informasiya-kommunikasiya texnologiyaları ilə təmin olunmuşdur.

Şərur rayon Oğlanqala kənd sakini Fədayə Hüseynova karate-do idman növü ilə məşğuldur. Ailədəki iki qız övladın kiçiyi olan Fədayənin idmana sevgisi uşaqlıq illərindən yaranıb. Fədayə deyir ki, atasının idmanla mütəmadi məşğul olması hələ kiçik yaşlarından onda da bu sahəyə maraq yaradıb.