Naxçıvan Muxtar Respublikası Təhsil və Mədəniyyət nazirliklərinin birgə təşkilatçılığı ilə ümumtəhsil məktəblərinin şagirdləri ­arasında keçirilən məktəblilərin dram müsabiqəsinin növbəti mərhələsi Təhsil Nazirliyinə birbaşa tabe müəssisələrin şagirdləri və məktəbdənkənar tərbiyə müəssisələrinin dərnək üzvləri arasında ­keçirilib. Qeyd edək ki, müsabiqənin keçirilməsində məqsəd məktəblilərdə nitqin inkişafına, özünəinamın formalaşmasına, onların səhnə əsərlərinin canlı iştirakçısına çevrilməklə mövzunu fəal şəkildə mənimsəmələrinə, ədəbiyyata olan maraqlarının artmasına, eyni zamanda şagirdlərdə yaradıcı təfəkkürün inkişafına şərait yaratmaqdır.

Naxçıvan Muxtar Respublikası Təhsil Nazirliyinin 2 dekabr 2019-cu il tarixli əmri ilə təsdiq edilmiş Tədbirlər planına əsasən 28 dekabr 2019-cu il tarixdə Naxçıvan şəhər 8 nömrəli tam orta məktəbdə “31 Dekabr-Dünya Azərbaycanlılarının Həmrəyliyi Günü” və Yeni il bayramı münasibətilə bilik yarışı keçirilmişdir. Yarışda Naxçıvan şəhər ümumtəhsil məktəblərinin komandaları iştirak etmişlər.

28 dekabr 2019-cu il tarixdə Şahbuz şəhərindəki Mədəniyyət sarayında ümumtəhsil məktəblilərinin dram Müsabiqəsi keçirlidi müsabiqədə 15 məktəbin şagirdləri iştirak etdilər. Müsabiqə Naxçıvan Muxtar Respublikası Təhsil Nazirliyi və Naxçıvan Muxtar Respublikası Mədəniyyət Nazirlyinin hazırladıqları birgə əsasnaməyə uyğun olaraq keçirildi. Müsabiqənin məqsədi “Oxunması zəruri olan kitablar”ın məktəblilər arasında təbliği, məktəblilərin maraq və bacarıqlarını, yaradıcılıq qabiliyyətlərin aşkar etməkdən ibarət idi.