19 noyabr 2021-ci il tarixdə Naxçıvan şəhər 5 nömrəli tam orta məktəbdə IX-XI sinif şagirdləri arasında məktəblilərin muxtar respublika fənn olimpiadasının muxtar respublika mərhələsi keçirilib. Muxtar respublika fənn olimpiadası Azərbaycan dili və ədəbiyyat, tarix, coğrafiya, riyaziyyat, fizika, kimya, biologiya və informatika fənləri üzrə təşkil edilib.

Qeyd edək ki, oktyabrın 23-də ümumtəhsil məktəblərinin IX-XI siniflərində təhsil alan 534 şagirdin iştirakı ilə məktəblilərin muxtar respublika fənn olimpiadasının şəhər (rayon) mərhələsi keçirilmişdir. Bu mərhələdə yüksək nəticə göstərən Təhsil Nazirliyinə birbaşa tabe məktəblərdən 34, Naxçıvan şəhərindən 38, Şərur rayonundan 16, Babək rayonundan 22, Ordubad rayonundan 19, Culfa rayonundan 24, Kəngərli rayonundan 8, Şahbuz rayonundan 11, Sədərək rayonundan isə 10 olmaqla, ümumilikdə 182 şagird muxtar respublika mərhələsində iştirak etmək hüququ qazanmışdır.

Təhsil millətin gələcəyidir

Muxtar respublikamızda təhsil sahəsində yeni layihələr hazırlanması və həyata keçirilməsi təhsilin inkişafı istiqamətində aparılan məqsədyönlü tədbirlər sırasındadır. Məhz belə layihələrdən biri də Naxçıvan şəhər 5 nömrəli tam orta məktəbin direktoru Esmira Həsənovanın rəhbərliyi ilə hazırlanan “Təhsil kouçu” xidməti layihəsidir. Bu layihə təhsildə inkişaf və innovasiyalar üzrə V qrant müsabiqəsində ümumtəhsil məktəbləri kateqoriyası üzrə qalib olub. Məktəbdə yaradılan müasir tədris şəraiti ilə tanış olmaq, eyni zamanda layihə ilə bağlı görüləcək işlər barədə ətraflı məlumat almaq üçün həmin məktəbə yollandıq. Məktəbin direktoru Esmira Həsənova ilə həmsöhbət olduq.

Müsahibim qeyd etdi ki, muxtar respublikamızda təhsilin inkişafı daim diqqət mərkəzində saxlanılır, məktəblərimiz müasir standartlara cavab verəcək formada yenilənib istifadəyə verilir. 2019-cu ilin sentyabr ayında məktəbimizin müasir maddi-texniki baza ilə təmin olunmuş yeni binası istifadəyə verildi. 1148 şagird yerlik 4 mərtəbəli binada 3-ü elektron lövhəli olmaqla, 60 sinif otağı, kimya, biologiya və fizika laboratoriyaları, hərbi kabinə, 3 kompüter, 2 şahmat, 2 müəllimlər otaqları, kitabxana, bufet və idman zalı vardır. Məktəbdə 1145 şagirdin təhsili ilə 86 müəllim məşğul olur.

Naxçıvan Şəhər Təhsil Şöbəsinin təşkilatçılığı ilə 18 noyabr 2021-ci il tarixdə Naxçıvan Dövlət Texniki Kollecində fizika müəllimləri üçün laborator təlimin keçirilməsinə start verilib. Təlimin keçirilməsində əsas məqsəd fizika fənninin tədrisi zamanı ümumtəhsil məktəblərində laboratoriya kabinələrinin imkanlarından səmərəli istifadə etmək, qarşıya çıxan problemlər, tədrisin keyfiyyətinin yaxşılaşdırılması, şagirdlərin fizika fənninə marağının artırılması, praktikyönümlü tapşırıqların tədbiqi haqqında müəllimlərə metodiki köməklik göstərməkdir.

Naxçıvan Muxtar Respublikası Təhsil Nazirliyi müxtəlif səbəblərdən ümumi orta və tam orta təhsil səviyyəsini başa vura bilməyən və həmin səviyyə üzrə buraxılış imtahanı verərək attestat almaq istəyənlər üçün sənəd qəbulu elan edir!

Eksternat qaydada attestat almaq istəyənlər üçün aşağıdakı sənədlər tələb olunur:

1. Şəxsiyyət vəsiqəsinin notarial qaydada təsdiq olunmuş surəti;

2. Ümumi orta təhsil haqqında şəhadətnamənin notarial qaydada təsdiq olunmuş surəti

3. 3x4 santimetr ölçüdə 2 ədəd rəngli fotoşəkil

4. Təhsil müəssisəsindən hansı sinfi bitirdiyinə dair arayış;

5. Ərizə (müvafiq ərizə forması Naxçıvan Muxtar Respublikası Təhsil Nazirliyində doldurulur).

Sənədlər 22 noyabr  2021-ci il tarixdən 18 dekabr 2021-ci il tarixədək saat 9⁰⁰-dan 18⁰⁰-dək Naxçıvan Muxtar Respublikası Təhsil Nazirliyində qəbul ediləcəkdir.

Eksternat qaydada keçiriləcək aralıq imtahanı 15 yanvar 2022-ci il tarixdə Naxçıvan şəhər 11 nömrəli tam orta məktəbdə saat 10⁰⁰-da olacaqdır.

Eksternat qaydada attestat almaq istəyənlərin nəzərinə çatdırlır ki, aralıq imtahanlarında yalnız ümumi orta təhsil səviyyəsi üzrə 16, tam orta təhsil səviyyəsi üzrə  isə 18 yaşını tamam etmiş şəxslər iştirak edə bilər!

Ünvan: Naxçıvan şəhəri, Nizami 51

Əlaqə nömrəsi: (036) 545-02-06