Amansızlığına, qəddarlığına görə bəşər tarixinə qanlı iz salmış, təkcə Azərbaycan xalqına deyil, bütün insanlığa qarşı yönəlmiş Xocalı qətliamından bizi 29 il zaman məsafəsi ayırır.
Ölkəmizin müstəqilliyi uğrunda mübarizədə canlarını qurban vermiş vətən övladlarının xatirəsini yad etmək, məktəblilərə XX əsrin ən dəhşətli faciələrindən olan Xocalı soyqırımı haqqında məlumat vermək, məktəblilərdə düşmənə qarşı barışmazlıq hissi, Vətənə, toprağa sədaqət və məhəbbət duyğularını gücləndirmək məqsədilə fevralın 26-da muxtar respublikanın ümumtəhsil məktəbləri ilə Naxçıvan şəhərindəki Xatirə Muzeyi arasında interaktiv dərs keçirilib.
25 fevral 2021-ci il tarixdə Kəngərli Rayon Uşaq-gənclər şahmat məktəbində Naxçıvan Muxtar Respublikası Şahmat Federasiyasının Kəngərli rayon bölməsinin, Kəngərli Rayon Təhsil Şöbəsinin və Uşaq-gənclər şahmat məktəbinin birgə təşkilatçılığı ilə Naxçıvan Muxtar Respublikası Şahmat Federasiyasının müəllimləri Beynəlxalq Qrossmeyster Urfan Sevdimaliyev və Beynəlxalq Usta Toğrul Həsənzadə rayonun 14 dərəcəli şahmatçısı ilə seans oyunu keçirib. Oyun 10-4 hesabı ilə müəllimlərin xeyrinə bitib.
Kəngərli və Sədərək Rayon Təhsil Şöbələrinin, Gənclər və İdman İdarəsinin, Naxçıvan Muxtar Respublikası Voleybol Federasiyasının Kəngərli rayon bölməsinin birgə təşkilatçılığı ilə Çalxanqala kənd tam orta məktəbinin idman zalında Kəngərli və Sədərək rayonunun oğlan və qızlardan ibarət voleybol idman klubları arasında voleybol üzrə yoldaşlıq görüşü keçirilib.
Bildiyimiz kimi Naxçıvan şəhər ümumtəhsil məktəblərində pedaqoji ixtisaslar üzrə təhsil alan təcrübəçi tələbələrin öyrəndikləri nəzəri biliklərin tətbiqi yolu ilə ixtisaslarını dərindən mənimsəmələri və peşəkar müəllim kimi inkişaf etmələrinə şərait yaratmaq məqsədilə “Sabahın müəllimi” layihəsi davam edir. hər il olduğu kimi, bu tədris ilində də Naxçıvan Müəllimlər İnstitutu və Naxçıvan Universitetindən ümumilikdə 376 tələbə fevralın 16-dan mayın 22-dək Heydər Əliyev adına tam orta məktəbdə, Naxçıvan Qızlar Liseyində, Naxçıvan şəhər ümumtəhsil məktəblərində pedaqoji təcrübə keçirlər.
