Avqustun 2-də 2024/2025-ci il tədris ili üçün Naxçıvanda ilk dəfə olaraq ölkə üzrə mərkəzləşmiş qaydada Naxçıvan Muxtar Respublikası Təhsil Nazirliyi sisteminə daxil olan peşə təhsil müəssisələrinə ixtisas fənn müəllimlərinin və istehsalat təlimi ustalarının işə qəbulu müsabiqəsinin imtahan mərhələsi keçirilib.Onlayn formada portal.edu.az elektron müraciət portalı vasitəsi ilə qeydiyyatdan keçən 22 namizəddən 19-u müsabiqənin imtahan mərhələsində iştirak etmək hüququ qazanıb.
150 dəqiqə davam edən imtahanda iştirakçılar ixtisas modulları, tədris metodikası və təlim strategiyaları üzrə test tapşırıqlarını cavablandırıblar.
Qeyd edək ki, müsabiqə nəticələrinə uyğun olaraq seçilən müraciətçilərin vakant yerlərə yerləşdirilməsi elektron ərizələrində qeyd etdikləri seçim ardıcıllığı gözlənilməklə 15 sentyabr tarixinədək aparılacaq.
İyulun 30-da Naxçıvan Muxtar Respublikası Təhsil Nazirliyində Elm və Təhsil Nazirliyi ilə Çin Xalq Respublikasının Ticarət Nazirliyi arasında bağlanmış müqavilə çərçivəsində “Naxçıvan Muxtar Respublikasına İnteraktiv Təhsil Yardımı” layihəsinin icra vəziyyəti ilə bağlı Çin Xalq Respublikasından gələn mütəxəssislər və HUAWEI şirkətinin əməkdaşları ilə görüş keçirilib.
31 iyul saat 11:00-dan etibarən ölkə üzrə (Naxçıvan Muxtar Respublikası da daxil olmaqla) müəllimlərin işə qəbulu üzrə müsabiqənin müddətsiz müqavilə ilə vakansiya seçimi mərhələsi həyata keçiriləcək.
