 Mayın 24-də Naxçıvan Müəllimlər İnstitutunda Naxçıvan Muxtar Respublikasının 100 illiyinə və Yaşıl dünya naminə həmrəylik ilinə həsr olunan “Ümumi təhsilin dövlət standartları və məktəb təcrübəsi” mövzusunda III Respublika elmi-praktik konfransı keçirilib.
Canlı və onlayn formatda paralel olaraq təşkil olunan konfransda respublikanın müəllim hazırlığı ilə məşğul olan bir sıra ali təhsil müəssiələrində çalışan, pedaqoji tədqiqat aparan alimlər, ümumi təhsilin təşkilatçıları, ümumtəhsil məktəblərinin qabaqcıl müəllimləri iştirak edib.
Ardını oxu...
|
 Mayın 23-də Şahbuz rayon Kükü kənd tam orta məktəbində Azərbaycan Dillər Üniversiteinin rektoru, akademik, Xalq yazıçısı Kamal Abdulla ilə görüş keçirilib. Görüşdə iştirak edən qonaqları salamlayan direktor Mais Məmmədov bu il 100 yaşı qeyd olunan Kükü kənd tam orta məktəbinin qədim ənənələrə sahib oduğunu, Şahbuzun ucqar dağ kəndi olmasına baxmayaraq burada yaşayan insanların elmə, təhsilə yüksək maraq göstərdiyini, kəndin yetirmələri arasında çox sayda tanınmış adamların oduğunun qeyd edib. Məktəbin son illərdəki uğurlarından da bəhs edən direktor qeyd edib ki, məzunlarının ali məktəblərə qəbul göstəriciləri ilə Kükü kənd məktəbi hər il təkcə Şahbuz rayonun üzrə deyil, həm də Naxçıvan Muxtar Respublikasının məktəbləri arasında ən yaxış göstəricilərə malik olub.
Ardını oxu...  Mayın 20-dən 2024-2025-ci tədris ili üzrə Naxçıvan Qızlar Liseyinə və Şərur Şəhər Fizika-Riyaziyyat Təmayüllü Liseyə ərizə qəbuluna başlanılır. Liseylərə ərizə qəbulu ölkə üzrə mərkəzləşmiş qaydada aparılacaq və mərkəzləşdirilmiş imtahan əsasında həyata keçiriləcək. Bunun üçün valideyn (və ya qanuni nümayəndə) şəxsi kabinetində “Sorğu yerləşdir” bölməsinə daxil olaraq “Mərkəzi imtahanla qəbul” düyməsini sıxmaqla imtahanın keçiriləcəyi mərkəzi seçməlidir.
Şagirdlər əvvəlcə mərkəzləşdirilmiş qəbul imtahanında iştirak etməli, sonra isə topladıqları bala müvafiq olaraq təhsil almaq istədikləri liseyin seçimini aparmalıdırlar. İmtahan zamanı şagirdlərə tədris dili və riyazi təfəkkürü ölçən standart və qeyri-standart suallar təqdim ediləcək. Ərizə qəbulu mayın 20-dən iyunun 13-dək davam edəcək.
Qeyd edək ki, Şərur Şəhər Fizika-Riyaziyyat Təmayüllü Liseyə qəbul imtahanı iyunun 21-i, Naxçıvan Qızlar Liseyinə isə iyunun 23-ü keçiriləcək. Mayın 9-da Naxçıvan şəhərində Heydər Əliyev adına tam orta məktəbin fəaliyyətə başlamasının 20 illiyi münasibətilə tədbir keçirilib.
Əvvəlcə Ümummilli Lider Heydər Əliyevin məktəbin həyətindəki abidəsinin önünə güllər düzülüb, dahi şəxsiyyətin xatirəsi dərin ehtiramla yad edilib.
Məktəblə tanışlıq zamanı binada yaradılan müasir tədris şəraiti barədə məlumat verilib. Bildirilib ki, şagirdlərin hərtərəfli biliyə yiyələnməsi ilə yanaşı, vətənpərvərlik ruhunda tərbiyəsi də diqqətdə saxlanılır. Bu məqsədlə foyedə məktəbin məzunu olmuş vətən oğulları Sahil Məmmədov, Raqib Hüseynov və digər şəhidlərimizin xatirəsinə guşələr yaradılıb, sinif otaqlarına şəhidlərimizin adı verilib.
Gənclik mərkəzində davam etdirilən tədbirdə Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.
Ardını oxu... |
|
