Ulu öndər Heydər Əliyev vətənpərvərlik hislərini yüksək qiymətləndirərək demişdir: “Hamımızın ümumi vəzifəmiz xalqımızda vətənpərvərlik, vətən torpağına, millətə sədaqət, vətən uğrunda şəhidliyə hazır olmaq hisslərini formalaşdırmaq, inkişaf etdirmək və təbliğ etməkdir”.

Hər bir insan fərd kimi doğulub, şəxsiyyət kimi formalaşır. Bu formalaşma məhz məktəbdə başlayır. Daha dəqiq ifadə etsək, insanın ilk cəmiyyəti ailəsindən sonra məktəbdir. Bu baxımdan məktəblərdə təlim-tərbiyə prosesində şagirdlərə vətənpərvərlik hisslərinin aşılanması daim olmalı, bu mövzunun  təşkili, təbliği metodikanın başlıca vəzifələrindən biri olmalıdır. Qələm tutub yazı yazmağa, oxumağa başlayan şagirdlərin ilk yazısı, ilk oxusu “Ana” və “Vətən” kəlmələri olur. “Vətən” bizim azadlığımız, mənliyimiz, namusumuz, şərəfimizdir. Vətən alınmır, verilmir, dəyişmir, satılmır, köhnəlmir, qocalmır, o, əbədi və əzəlidir. Vətəni qorumaq hər bir vətandaşın borcudur, onu sevmək isə anamızı sevməyə bərabər hissdir. Vətən sevgisi, Vətənə məhəbbət insanın daxilindən, qanından gəlsə də, vətənpərvərlik hissi körpə yaşlarda aşılanmalı, vətənpərvərlik tərbiyəsi ailədə başlayıb, məktəbdə davam etməli, cəmiyyətdə formalaşmalıdır. Uşaqların milli mənlik şüurunun, vətənpərvərlik hisslərinin tərbiyəsi, onlarda ölkə, Vətən sevgisinin formalaşması hər bir müəllimi düşündürən vacib məsələlərdən biri olmalıdır.

Noyabrın 28-də Sədərək kənd 1 nömrəli tam orta məktəbdə tarixi fənnindən açıq dərs keçirilib. “Əfşarlar İmperiyası” mövzusunda keçirilən açıq dərsdə Sədərək Rayon Təhsil Şöbəsinin əməkdaşları da iştirak edib.

Məktəbin tarix müəllimi Vurğun Əsgərli tərəfindən şagirdlərə Əfşarlar dövləti haqqında məlumat verilərək bildirilib ki, Əfşarlar sülaləsi qədim türk sülalələrindən biridir. Bu sülalənin ən tanınmış nümayəndəsi Nadir şah olmuşdur.

Noyabrın 28-də Naxçıvan Şəhər Şahmat Mərkəzində Tempo turnir keçirilib. Muxtar respublika şahmatçıları arasında keçirilən yarışın məqsədi şahmatın kütləviliyini təmin etməklə yanaşı bu idman növü üzrə azyaşlı şahmatçıların təcrübəsini artırmaqdır. Naxçıvan Şəhər Şahmat Mərkəzində hər ayın sonuncu həftəsinin şənbə günü ənənəvi olaraq keçirilən tempo turnirlərində beynəlxalq səviyyəli usta şahmatçılar, müəllimlər, şagirdlər qarşılaşır.