3 Mart 2020-ci il tarixdə Ordubad şəhər 3 nömrəli tam orta məktəbdə IX-XI sinif şagirdləri arasında “Oxunması zəruri olan kitablar”ın siyahısında olan Nizaminin “Hikmət və Nəsihətlər”inin müzakirəsi keçirilmişdir.
Tədbirdə məktəbin şagird və azərbaycan dili və ədəbiyyat müəllimləri iştirak etmişdirlər.
Müzakirədə məktəbin sinifdənxaric və məкtəbdənкənаr tərbiyə işləri üzrə direktor müavini Səkinə Tağıyeva və digər çıxış edənlər bildirmişdirlər ki, bu kitablar gənc nəsildə vətənpərvərliyin, tarixə, milli köklərə bağlılığın formalaşdırılmasına əsaslı təsir göstərəcək ideoloji mənbələr rolunu oynayır, onların kənar təsirlərdən qorunması üçün dünyagörüşünü zənginləşdirir, dövlətə, dövlətçiliyə, Vətənə, xalqa bağlılıq hisslərini aşılayır.
Sonda şagirdlərin kitab haqqında düçüncələri dinlənilmişdir.
25 fevral 2020-ci il tarixdə Naxçıvan şəhər 5 nömrəli tam orta məktəbdə həmin məktəbin VIII-X sinifləri arasında start verilən “5 mart-Bədən Tərbiyəsi və İdman günü”nə həsr olunmuş voleybol və basketbol birincilikləri 2 mart 2020-ci il tarixdə yekunlaşmışdır. Birincilikdə hər iki idman növü üzrə ümumilikdə 8 komanda iştirak etmişdir. Birinciliklərin yekununa əsasən voleybol üzrə “Zirvə” komandası I yerə, “Batabat” komandası II yerə, “Əlincə” komandası III yerə, basketbol üzrə isə “Nəqşicahan” komandası I yerə, “Qafqaz” komandası II yerə, “Qaraxan” komandası III yerə layiq görülmüşdür. 
Culfa Rayon Təhsil Şöbəsinin və Culfa Rayon Gənclər və İdman İdarəsinin birgə təşkilatçılığı ilə “Zərərli vərdişlərə yox deyək həmişə sağlam olaq” devizi altında rayon ümumtəhsil məktəblərinin oğlanlar komandaları arasında voleybol üzrə rayon birinciliyi keçirilmişdir. Tədbiri giriş sözü ilə Culfa Rayon Uşaq Gənclər İdman məktəbinin direktoru Şahin Qasımov və Culfa Rayon Gənclər və İdman İdarəsinin baş məsləhətçisi Elçin Cəfərov açaraq tədbirin mahiyyəti haqqında məlumat verərək komandalara uğurlar arzulamışdırlar.
Naxçıvan Muxtar Respublikasında yaşayan yetkinlik yaşına çatmayanlarla aparılan profilaktiki işlərə dair tədbirlər planının icrasını təmin etmək məqsədilə Sədərək rayon Sədərək kənd 1 nömrəli tam orta məktəbində “Yetkinlik dövrünün çətinlikləri” mövzusunda tədbir keçirilib. 
