 Aprelin 23-də muxtar respublika ümumtəhsil məktəblərinin 4-8-ci siniflərində təhsil alan şagirdlər üçün 700 ballıq sistem üzrə Sınaq İmtahanı keçirilib
Muxtar respublikanın bütün ümumtəhsil məktəblərində təşkil olunan sınaq imtahanının sualları Naxçıvan Muxtar Respublikası Təhsil Nazirliyinin İmtahan Mərkəzi tərəfindən hazırlanaraq, çap olunub.
Sualların cavablandırılması üçün şagirdlərə 180 dəqiqə vaxt ayrılıb.
İmtahanın nəticələri 1 həftə ərzində elan olunacaq. Şagirdlər keçirilən sınaq imtahanın nəticələrini iş nömrəsini Naxtel nömrəsindən 7070-ə göndərməklə öyrənə bilərlər.
|
21 aprel 2022-ci il tarixdə Naxçıvan Muxtar Respublikası Təhsil Nazirliyi və Naxçıvan Gənc Müəllimlər Assosiasiyasının birgə təşkilatçılığı ilə gənc müəllimlər arasında Naxçıvan Muxtar Respublikası Ali Məclisi Sədrinin 28 avqust 2017-ci il Sərəncamı il təsdiq olunan "Oxunması zəruri olan kitabların" siyahısına daxil edilən publisist-politoloq Reyhan Mirzəzadənin “Pedaqoji fikir tarixindən” kitabının müzakirəsi keçirilib.
Ardını oxu...  Aprelin 21-də Azərbaycan Milli Elmlər Akademiyası Naxçıvan Bölməsinin Əlyazmalar Fondunun baş direktoru, filologiya elmlər doktoru Fərman Xəlilovun Sədərək Rayonunun ümumtəhsil məktəblərinin yuxarı sinif şagirdləri ilə görüşü keçirilib.
Sədərək kənd 1 nömrəli tam orta məktəbdə keçirilən görüşdə Naxçıvan Muxtar Respublikası Təhsil Nazirliyi Aparatının sektor müdiri Mətanət Əliyeva bildirib ki, görüşün keçirilməsində məqsəd alimlərin məktəblə əlaqələrinin möhkəmləndirilməsi, eləcə də məktəblilərin еlmə olan marağının аrtırılmаsı və onların müxtəlif təşəbbüslərinin stimullаşdırılmаsıdır.
Ardını oxu...
STEAM-məntiqi düşüncə proseslərinə və problem həllinə diqqət yetirmək şagirdlərin hər sahədə uğur qazanmasına kömək edəcək zehni vərdişləri inkişaf etdirməyə imkan verir. Bu təhsil metodu şagirdlərdə İnformasiya Komnukasiya Texnologiyaları və elmi biliklərin inkişafına dəstək olmaq, onlarda kodlaşdırma və vizuallaşdırmaya marağı artırmağa təsir edən başlıca amildir. Şagirdlərdə innovativ təhsil metoduna dair biliklərin inkişaf etdirilməsi məqsədilə Naxçıvan Muxtar Respublikası Təhsil Nazirliyi tərəfindən hazırlanmış qrafikə uyğun olaraq aprelin 21-də muxtar respublikanın ümumtəhsil məktəblərinin VI və VII siniflərində təhsil alan şagirdlər üçün STEAM təhsili ilə bağlı növbəti interaktiv dərs təşkil olunub.
Ardını oxu... |
|
