21 avqust 2020-ci il tarixdə Babək şəhər 1nömrəli tam orta məktəbində ümumtəhsil məktəblərinin şagirdləri arasında stolüstü tenis üzrə rayon birinciliyi keçirilib. Birinciliyin keçirilməsində məqsəd məktəblilər arasında tenis idman növünün kütləviliyinə nail olmaq, onların asudə vaxtlarının səmərəli keçirilməsini təşkil etmək və şagirdləri fəal idman həyatına cəlb edilməsidir. Olimpiya sistemi üzrə şəxsi birincilik əsasında keçirilən görüşlərdə Babək şəhər 1 nömrəli tam orta məktəbin şagirdləri İlkin Süleymanlı I, Yaqub Abdullayev II, Fərid Məmmədli isə III yerə layiq görülüb.
21 avqust 2020-ci il tarixdə Naxçıvan Muxtar Respublikası Təhsil Nazirliyinin təşkilatçılığı ilə Turist Diyarşünaslıq Mərkəzinin dərnək üzvlərinə “Azərbaycanın folklor janrları” mövzusunda onlayn məşğələ keçirilib. Dərsin keçirilməsində məqsəd şagirdlərin biliklərinin möhkəmləndirilməsi, onlarda dünyagörüşünün formalaşdırılması və asudə vaxtlarının səmərəli təşkilindən ibarət idi.
Bu gün Əbrəqunus kənd tam orta məkltəbinin həyətində Culfa Rayon Uşaq Gənclər İdman Məktəbinin dərnək üzvülərinə “Voleybol topunun yuxarıda çilənməsi və bir-birinə ötürülməsi” mövzusunda məşğələ keçirilib. Məşğələnin keçirilməsində əsas məqsəd məktəblilər arasında voleybol idman növünün kütləviliyinə nail olunması, gənc nəslin idmana olan marağının artırılması və şagirdlərin asudə vaxtlarının səmərəli keçirilməsindən ibarət olub. Məşğələ zamanı məşqçi-müəllim Afrəddin Cəfərov mövzu ilə bağlı şagirdlərə ətraflı məlumat verərək onlara praktiki göstərişlər vermişdir. Sonda şagirdləri maraqlandıran suallar cavablandırılıb.
Bu gün Sədərək Rayon Təhsil Şöbəsi, Naxçıvan Muxtar Respublikası Voleybol Federasiyasının rayon bölməsi və Uşaq Gənclər İdman Məktəbinin birgə təşkilatçılığı ilə Voleybol idman növü üzrə Sədərək kənd 1 nömrəli tam orta məktəbin və Qaraağac kənd tam orta məktəbin voleybol komandaları arasında rayon birinciliyi keçirilib. Qaraağac kənd tam orta məktəbin voleybol meydançasında keçirilən birincilikdə rayon Təhsil Şöbəsinin, Naxçıvan Muxtar Respublikası Voleybol Federasiyasının rayon bölməsinin, Uşaq Gənclər İdman Məktəbinin əməkdaşları və ümumtəhsil məktəblərinin şagirdləri iştirak edib.
