Təhsil Nazirliyi tərəfindən şagirdlərin elmi-kütləvi və bədii ədəbiyyat nümunələrinin oxusuna təşviq edilməsi, onlarda mütaliə vərdişləri və mədəniyyətinin yaradılması istiqamətində davamlı tədbirlər həyata keçirilir. Belə tədbirlərdən biri də noyabr ayında start verilən “Oxunması zəruri olan kitablar”a dair viktorinalardır. Cek Londonun “Həyat eşqi” hekayəsi, Cəlil Məmmədquluzadə­nin “Hekayələr”i, “Kitabi-Dədə Qorqud” dastanı və Teodor Drayzerin “Dahi” romanına həsr edilmiş ikinci viktorinanın dekabrın 26-da final mərhələsi keçirilmişdir.

Azərbaycanda beş və altı günlük iş həftəsi olan məktəblərdə dərs qrafiki müəyyənləşib. Təqvimdə edilən dəyişikliklərə əsasən, dekabrın 28-i və 29-nun dərs qrafiki aşağıdakı qaydada təyin edilib.

Belə ki, 5 günlük iş həftəsi olan məktəblərdə dekabrın 28-i gələn il yanvarın 3-də keçirilməsi nəzərdə tutulan dərslər keçiriləcək. Dekabrın 29-da isə yanvarın 6-da olan dərs qrafiki tətbiq olunacaq.

Bundan başqa, 6 günlük iş həftəsi olan məktəblərdə dekabrın 29-da gələn ilin yanvar ayının 3-də olan dərslər keçiriləcək. Yanvarın 4-ü və 6-da  dərs günüdür.

Xatırladaq ki, Nazirlər Kabinetinin qərarına əsasən, iş və istirahət günlərinin ardıcıl olmasını təmin etmək məqsədilə 28 və 29 dekabr istirahət günləri ilə 2020-ci ilin 3 və 6 yanvar iş günlərinin yeri dəyişdirilib.

25 dekabr 2019-cu il tarixdə  Naxçıvan Dövlət Xalça Muzeyində Naxçıvan Qızlar Liseyi və Naxçıvan şəhər 4, 5, 6 və 7 nömrəli tam orta məktəblərin şagirdlərinin iştirakı ilə “Xalqımızın qədim ənənəsi-Xalçaçılıq” mövzusunda 5 nömrəli tam orta məktəbin tarix müəllimi Hacıyeva Səadət açıq dərs  keçmişdir.