Naxçıvan Muxtar Respublikasının Təhsil Nazirliyinin müvafiq əmrinə uyğun olaraq muxtar respublikanın təhsil müəssisələrində idmanın inkişafının təmin edilməsi ilə bağlı tədbirlər planına əsasən Sədərək rayonunda Təhsil şöbəsi, Uşaq gənclər İdman məktəbinin birgə təşkilatçılıqı ilə  ümumtəhsil məktəbliləri arasında mini futbol üzrə yarış keçirilmişdir.

Yarışın sonunda 1-ci yerə Uşaq Gəncər İdman məktəbinin komadası, 2-ci yerə Sədərək kənd 2 nömrəli tam orta məktəbinin komandası və 3-cü yerə isə Sədərək kənd 1 nömrəli tam orta məktəbinin komandası layiq görülmüşlər. Qalib komandalar təşkilatçıların fəxri fərman və diplomları ilə təltif olunmuşlar.

22-24 oktyabr 2019-cu il tarixdə Culfa rayon Şahmat məktəbində Naxçıvan Muxtar Respublikasının yaranmasının 95 illik yubileyinə həsr edilmiş Culfa Rayon tam orta məktəblərinin komandaları arasında Şahmat birinciliyi keçirilmişdir. Yarış Naxçıvan Muxtar Respublikası Şahmat Federasiyasının Culfa Rayon bölməsi və Culfa Rayon Təhsil Şöbəsi tərəfindən keçirilmişdir.

Yarışın yekun nəticəsinə əsasən Culfa şəhər 3 nömrəli tam orta məktəbin komandası I yerə, Culfa şəhər 1nömrəli tam orta məktəbin komandası II yerə, Saltaq kənd tam orta məktəbin komandası III yerə layiq görülmüşlər.

Qalib komandalar və öz taxtasında I yer tutan şahmatçılar təşkilatçılar tərəfindən diplom ilə təltif olunmuşdur.

AMEA Naxçıvan Bölməsi və Naxçıvan Muxtar Respublikası Təhsil Nazirliyinin birgə təşkilatçılığı ilə muxtar respublikanın ümumtəhsil məktəblərinin şagirdləri üçün növbəti interaktiv açıq dərs təşkil olunub. Açıq dərs ümumilikdə muxtar respublikanın 200-dən artıq ümumtəhsil məktəbində izlənilib.

Dərs Naxçıvan Muxtar Respublikası Ali Məclisinin Sədri cənab Vasif Talıbovun 18 aprel 2019-cu il tarixli “Ərtoğrol Cavidin 100 illik yubileyinin keçirilməsi haqqında” imzaladığı Sərəncama uyğun olaraq keçirilib.