AMEA Naxçıvan Bölməsində muxtar respublikanın ümumtəhsil məktəblərinin şagirdləri üçün “Naxçıvan müstəqillik illərində” mövzusunda interaktiv dərs olub.

200-dən çox ümumtəhsil məktəbinin şagirdləri tərəfindən dinlənilən dərsdə Bölmənin sədri, akademik İsmayıl Hacıyev dövlət müstəqilliyinin bərpasından sonra ölkədə mövcud olan vəziyyətdən bəhs edib. Bildirib ki, Azərbaycanın digər bölgələrindən fərqli olaraq Naxçıvanda ümummilli lider Heydər Əliyevin rəhbərliyi altında məqsədyönlü addımlar atıldı. Ulu öndər Heydər Əliyevin 1993-cü ildə prezident seçilməsi ilə bu siyasət ölkə miqyasında həyata keçirilməyə başlandı.

Naxçıvan Muxtar Respublikası Təhsil Nazirliyinin təşkilatçılığı ilə yanvarın 14-də  Naxçıvan şəhər ümumtəhsil məktəblərinin şagirdləri və məktəbdənkənar təhsil müəssisələrinin dərnək üzvləri üçün Naxçıvan Televiziyasının hazırladığı “İnkişaf edən Naxçıvan” sənədli filmi nümayiş olunub.

Heydər Əliyev Uşaq-Gənclər Yaradıcılıq Mərkəzində nümayiş olunan filmdə Naxçıvan Muxtar Respublikasında iqtisadi və sosial sahələrdə qazanılmış uğurlar, təhsil, səhiyyə, mədəniyyət, turizm və digər sahələr üzrə infrastruktur quruculuğu tədbirləri, bütün sahələrdə əldə edilmiş yüksək göstəricilər, davam etdirilən məqsədyönlü tədbirlərdən geniş bəhs olunur.

Məktəblilər üçün təşkil olunan “İnkişaf edən Naxçıvan” filmində 100-ə yaxın şagird iştirak etmişdir.

Yanvarın 14-də Naxçıvan Muxtar Respublikası Rəssamlar Birliyinin Bəhruz Kəngərli adına Sərgi salonunda Naxçıvan Muxtar Respublikasının Əməkdar rəssamı Leyla Əzimbəyovanın “Fərqli Olaraq” adlı fərdi yaradıcılıq sərgisi açılıb.

Naxçıvan Muxtar Respublikası Ali Məclisinin Sədri Vasif Talıbov sərginin açılışında iştirak edib.

Naxçıvan Muxtar Respublikası Rəssamlar Birliyinin sədri, Azərbaycan Respublikasının Əməkdar rəssamı Ülviyyə Həmzəyeva çıxış edərək deyib ki, Naxçıvan Muxtar Respublikası Rəssamlar Birliyinin fəaliyyəti üçün hərtərəfli şərait yaradılıb.