Şagirdlərin ədəbiyyata olan marağının artırılması, oxunması zəruri olan kitabların mütaliəsi, istedadlı şagirdlərin üzə çıxarılması, onlarda nitq bacarıqlarının inkişafı məqsədilə Naxçıvan Muxtar Respublikası Təhsil və Mədəniyyət nazirliklərinin birgə təşkilatçılığı ilə həyata keçirilən məktəblilərin “Dram” müsabiqəsi davam edir.

“Dram” müsabiqəsinin növbəti rayon mərhələsi yanvarın 25-də Ordubad Rayon Mədəniyyət Evində keçirilib. Müsabiqədə Ordubad Rayon Təhsil Şöbəsinin tabeliyində olan 18 məktəb və 1 məktəbdənkənar müəssisə üzrə ümumilikdə 140-a yaxın şagird iştirak etmişdir. Kollektivlər müxtəlif əsərləri böyük həvəs və aktyorluqla canlandırmış, tamaşaçıların diqqətini özlərinə cəlb etmişlər.

Bədən tərbiyəsi və idmanın məktəblilər arasında kütləviliyinin      artırılması, ümumtəhsil məktəblərinin idman klublarının fəaliyyətlərinin qiymətləndirilməsi və stolüstü tennis idman növünün inkişafının təmin edilməsi və məktəblilərin asudə vaxtlarının səmərəli təşkil olunması məqsədilə yanvarın 25-də Naxçıvan Muxtar Respublikası Təhsil, Gənclər və İdman nazirlikləri birlikdə ümumtəhsil məktəblərinin stolüstü tennis idman klubları arasında muxtar respublika birinciliyi keçirilib.

Naxçıvan Muxtar Respublikası Ali Məclisinin Sədri Vasif Talıbov yanvarın 24-də Elşad Məmmədova “Əməkdar dövlət qulluqçusu” fəxri adının verilməsi haqqında Sərəncam imzalayıb.

Sərəncamda deyilir:

“Naxçıvan Muxtar Respublikası Konstitusiyasının 5-ci maddəsinin II hissəsinin 21-ci bəndini rəhbər tutaraq qərara alıram:

Naxçıvan Muxtar Respublikasında dövlət qulluğunda səmərəli fəaliyyətinə görə Elşad Novruz oğlu Məmmədova “Əməkdar dövlət qulluqçusu” fəxri adı verilsin”.

Qeyd edək ki, Elşad Məmmədov Ordubad Rayon İcra Hakimiyyətinin başçısı vəzifəsində çalışır.