Ordubad Rayon Gənclər və İdman İdarəsi və Təhsil Şöbəsinin birgə təşkilatçılığı ilə məktəblilərin Vətənə məhəbbət, dövlətçiliyə sədaqət ruhunda tərbiyə olunması və vətənpərvərlik hisslərinin yüksəldilməsi məqsədi ilə Ordubad şəhər 3 nömrəli tam orta məktəbin VIII sinif şagirdlərinin iştirakı ilə rayon Tarix-Diyarşünaslıq Muzeyinə ekskursiya təşkil olunub. Muzeyin bələdçisi Aysun Quliyeva məktəblilərə muzeyin yaranma tarixi və ekspozisiyası haqqında ətraflı məlumat verib.

Muzeylə tanışlıq məktəblilərə xoş təəssürat bəxş edib.

9 iyun 2021-ci il tarixdə “15 iyun-Milli Qurtuluş günü” münasibətilə Naxçıvan şəhər ümumtəhsil məktəblərinin şagirdlərinin Heydər Əliyev Muzeyinə ekskursiyası təşkil olunub. Naxçıvan Şəhər Gənclər və İdman İdarəsi və Təhsil Şöbəsi tərəfindən təşkil olunan ekskursiyada 30-a yaxın şagird iştirak edib.

Muzeyin bələdçisi Gülnar Quluzadə ümummilli lider Heydər Əliyevin həyat və fəaliyyəti haqqında şagirdlərə geniş məlumat verib və onları muzeydə olan eksponatlarla yaxından tanış edib. Sonda şagirdləri maraqlandıran suallar muzeyin bələdçisi tərəfindən cavablandırılıb.

Müsabiqədə iştirak etmək istəyən şəxslər 10 iyun-12 iyul 2021-ci il tarixlərdə Naxçıvan Muxtar Respublikasının Dövlət İmtahan Mərkəzinin internet portalında (www.dim.nmr.az) “Şəxsi Kabinet” bölməsinə daxil olaraq elektron müraciət formasını doldurmaqla qeydiyyatdan keçməlidirlər. 
Namizədlər test imtahanında iştirak üçün 70 manat məbləği “şəxsi kabinet” vasitəsilə bank kartları ilə ödəyə bilərlər. Digər halda həmin məbləğ Dövlət İmtahan Mərkəzinin "Naxçıvanbank" ASC-dəki bank hesabına (AZ50NAXB36015000024840000AZN) ödənməli və ödənişə dair qəbz həftənin iş günləri saat 0900-dan 1230-dək və 1400-dan 1730-dək Dövlət İmtahan Mərkəzinə təqdim edilməlidir.