İyunun 4-də Azərbaycan Milli Elmlər Akademiyası Naxçıvan Bölməsinin Bioresurslar İnstitutu və Ekoloji Tərbiyə Mərkəzinin birgə təşkilatçılığı ilə Mərkəzin dərnək üzvləri Ümumdünya Ətraf Mühitin Mühafizəsi Günü münasibətilə Nəbatat bağında ekskursiyada olmuşdurlar.

Bioresurslar İnstitutunun Nəbatat şöbəsinin müdiri, biologiya üzrə fəlsəfə doktoru, dosent Teyyub Paşayev ekskursiya zamanı dərnək üzvlərinə Nəbatat bağının bitkiliyi, burada aparılan elmi-tədqiqat işləri, toplanan meyvə və üzüm genofondu bağları, dekorativ bitkilər, yerli və xarici floralara məxsus bitkilər, həmçinin bağın istixanasında toplanan, başqa ölkələrdən gətirilmiş bitkilər haqqında geniş məlumat vermişdir.

İyunun 4-də Naxçıvan  Muxtar Respublikası Ekoloji Tərbiyə Mərkəzində dərnək üzvlərinin iştirakı ilə Ümumdünya Ətraf Mühitin Mühafizəsi Günü münasibətilə “Təbiəti qoruyaq” aksiyası keçirilmişdir.

Əvvəlcə Mərkəzin dərnək rəhbəri Türkanə Əhmədova çıxış edərək aksiyanın əhəmiyyəti, yaranması və muxtar respublikada həyata keçirilən ekoloji tədbirlər  haqqında dərnək üzvlərinə məlumat vermişdir. Çıxışda qeyd edilmişdir ki, əgər 20 il bundan əvvəl muxtar respublika ərazisinin    0,6 faizi yaşıllıq idisə, indi bu rəqəm 20 faiz təşkil edir. Bu isə hər ilin yaz və payız fəsillərində Naxçıvanda keçirilən iməciliklər və ilboyu yaşıllıqlara qulluq göstərilməsi hesabına mümkün olub.

Ümummilli lider Heydər Əliyev irsinin şagirdlərə öyrədilməsi istiqamətində Naxçıvan Muxtar Respublikası Təhsil Nazirliyinin qrafikinə uyğun olaraq Heydər Əliyev Muzeyində 3 iyun 2021-ci il tarixdə növbəti açıq dərs keçirilib.

Açıq dərsdə Naxçıvan şəhər 16 nömrəli tam orta məktəbin 15 şagirdi iştirak edib.