Naxçıvan şəhər 4 nömrəli tam orta məktəbdə yol hərəkəti qaydalarının təbliği məqsədilə Naxçıvan şəhər ümumtəhsil məktəblərinin komandaları arasında “Nə? Harada? Nə Zaman?” İntellektual Oyunu keçirilib. Naxçıvan Şəhər Təhsil Şöbəsi, Gənclər və İdman İdarəsi və Polis İdarəsinin Dövlət Yol Patrul Xidməti Bölüyünün birgə təşkilatçılığı ilə keçirilən oyunda 17 komanda mübarizə aparıb.

Sədərək Rayon Təhsil Şöbəsi, Naxçıvan Muxtar Respublikası Şahmat Federasiyası, Muğla Böyük Şəhər Bələdiyyəsi və Yevlax Şəhər Uşaq Gənclər İdman Şahmat Məktəbinin birgə təşkilatçılığı ilə “28 May - Respublika Günü”nə həsr olunmuş Azərbaycan, Türkiyə və Pakistan məktəbliləri arasında şahmat üzrə onlayn yoldaşlıq görüşü keçiriləcək.

23 may 2021-ci il tarixdə saat 18:00-da keçiriləcək görüşdə 30 komandanın iştirakı nəzərdə tutulur.

Mayın 19-da Naxçıvan Muxtar Respublikası Gənclər Fondunda Naxçıvan Muxtar Respublikası Təhsil və Gənclər və İdman nazirliklərinin birgə təşkilatçılığı ilə ümumtəhsil məktəbliləri arasında “Xəmsə” Milli İntellektual oyununun final mərhələsi keçirilib.

Bu mərhələdə Şəhər və Rayon Təhsil şöbələrinin hər birindən bir qalib komanda iştirak edib. Yarış hər mərhələdə dörd komanda olmaqla iki mərhələdə təşkil olunub. Yarışın birinci mərhələsində Naxçıvan şəhər 5 nömrəli, Şərur rayon Danyeri, Culfa rayon Ərəzin və Kəngərli rayon Yurdçu kənd tam orta məktəblərinin komandaları, ikinci mərhələdə isə Babək rayon Yarımca, Ordubad rayon Aza, Şahbuz rayon Sələsüz və Sədərək rayon Dəmirçi kənd tam orta məktəblərinin komandaları yarışıb.