Ali təhsil müəssisələrinə qəbul olan abituriyentlər avqustun 27-si saat 17:00‑dək sənədlərini müvafiq ali məktəbə təqdim etməklə qeydiyyatdan keçməlidirlər.

Abituriyentlər tələb olunan sənədlərin siyahısını qəbul olduqları ali təhsil müəssisəsindən öyrənə bilərlər.

Abituriyentin təhsil müəssisəsində qeydiyyatdan keçməməsi onun yerləşdirildiyi ixtisas üzrə təhsil almaqdan imtina etməsi kimi qiymətləndirilir.

Xatırladaq ki, ali təhsil müəssisələrinin boş qalan plan yerlərinə qəbul olan abituriyentlərin qeydiyyatı isə sentyabrın 2-dək davam edəcək.

"Məktəblilərin yay tətilini səmərəli keçirmələri ilə bağlı ” Naxçıvan Muxtar Respublikası  Təhsil  Nazirliyinin müvafiq tədbirlər planına əsasən Sədərək rayon Təhsil şöbəsinin və Uşaq Gənclər İdman məktəbinin birgə təşkilatçılığı ilə Sədərək kənd 1 nömrəli tam orta məktəbində qızlar arasında Yüngül atletika üzrə  1500 metr məsafəyə birincilik keçirilmişdir. Tədbirdə çıxış edən məktəbin direktoru Nizami Bağırov yarışın mahiyyəti haqqında idmançılara məlumat verərək tədbiri açıq elan etmişdir. Yarışda məktəbdənkənar təhsil müəsissəsinin Yüngül atletika dərnəyinin 12 üzvü iştirak etmişdir. Yarışın sonunda 1-ci yerə Abbasova Aysu, 2-ci yerə  Şirəliyeva Günlarə ,3-cü yerə isə Abdullazadə Sevgi layiq görülmüşlər. Qaliblər təşkilatçıların diplom və fəxri fərmanları ilə mükafatlandırılmışlar.

Müasir qloballaşma əsrində Azərbaycanda milli tərəqqinin yeganə yolu elm və təhsilin, yeni biliklərin, intellektual əməyin inkişafından, habelə kompüter və informasiya texnologiyalarının geniş tətbiqindən keçir. Bu gün Azərbaycanda təhsilə qayğı ən yüksək səviyyədədir. Bu sahədə həyata keçirilən islahatlar, ilk növbədə, Azərbaycanın xoşbəxt gələcəyinə hesablanıb.

Ölkəmizdə təhsilə diqqət və qayğı hələ ötən əsrin 60-cı illərindən başlayıb. Ulu öndər Heydər Əliyev 1969-cu ildən etibarənAzərbaycanda təhsil müəssisələrinin yeniləşdirilməsinə, onların maddi-texniki bazasının möhkəmləndirilməsinə, təhsilin keyfiyyətinin yüksəldilməsinə birbaşa rəhbərlik edib. İstedadlı və xüsusi qabiliyyətli gənclərin üzə çıxarılması, yeni texnologiyaların tətbiqi görkəmli dövlət xadiminin daim diqqət mərkəzində olub.

Tam orta təhsil bazasında orta ixtisas təhsili müəssisələrinin boş qalan yerlərinə ixtisas seçimi avqustun 30-dan sentyabrın 4-dək aparılacaq.

Məlumatda qeyd olunur ki, 11 illik təhsil bazasında orta ixtisas təhsili müəssisələrinə tələbə qəbulunun nəticələrinə əsasən, cəmi 381 yer boş qalıb. Onlardan 275 yer xüsusi qabiliyyət imtahanı tələb edən ixtisaslara aiddir. Ümumilikdə plan yerləri 96,33 faiz dolub. Qəbul aparılan 55 kollecdən 34-də plan yerləri 100 faiz dolub.