AMEA-nın Naxçıvan Bölməsində muxtar respublika məktəbliləri üçün “Naxçıvan Muxtar Respublikasının petrofil (qaya-töküntü) bitkiliyi” mövzusunda interaktiv dərs olub.

Bölmənin Bioresurslar İnstitutunun Bitki sistematikası şöbəsinin müdiri, biologiya üzrə fəlsəfə doktoru, dosent Namiq Abbasovun apardığı dərsdə ilk növbədə muxtar respublikanın zəngin florası haqqında məlumat verilib, relyef, iqlim xüsusiyyətləri və başqa amillərin təsirlərindən bəhs olunub. Bildirilib ki, qayalıq, daş töküntülü ərazilərdə yayılmış bitkilər geobotanikada petrofil termini adı altında ümumiləşdirilmişdir. Petrofil bitkilər Naxçıvan Muxtar Respublikası ərazisində 75 fəsil, 210 cins və 350-dən artıq növlə təmsil olunur. Onlardan bəzilərinin adı nadir bitki kimi “Naxçıvan Muxtar Respublikası florasının “Qırmızı kitabına” düşmüş, bir neçə növün adının isə kitabın növbəti cildinə daxil edilməsi tövsiyə edilmişdir.

Babək rayon ümumtəhsil məktəblərində şagirdlərin vətənpərvər ruhda təriyə olunması, onların tarixi biliklərini möhkəmləndirmək, vətənə sevgi hislərini aşılamaq, eyni zamnda “Mütaliə aylığı” ilə əlaqədar asudə vaxtlardan səmərəli istifadə, oxu vərdişlərinin və mədəniyyətinin  formalaşması məqsədi ilə bir sıra marifləndirici tədbirlər keçirilmişdir.

Belə ki, Babək rayon Zeynəddin və Məzrə kənd tam orta məktəblərində “Aprel döyüşləri”nə həsr olunmuş anım günü keçirilmişdir. Tədbirdə aprel döyüşləri haqda ətraflı məlumat verilmiş, bu döyüşlərin Vətən müharibəsində azad olunan torpaqlarımızın azadlığının ilk mərhələsi, böyük zəfərin başlanğıcı olduğu qeyd edilmişdir.  Şagirdlər vətənə həsr olunmuş şeirlər səsləndirmiş, şəhidlərimizin müqəddəs ruhu yad edilmişdir.

Ayrı-ayrı fənlər, eləcə də incəsənətin müxtəlif sahələri və idman növləri üzrə istedadlı şagirdlərin olimpiadalara, bilik və idman yarışlarına cəlbinin daha da genişləndirilməsi, onların intellektual yarışlarda iştirakının təşviq və təşkil olunması məqsədilə rayonun ümumtəhsil məktəblərində müxtəlif fəaliyyət istiqamətləri üzrə tədbirlər keçirilib.