Şərur Rayon Texniki Peşə və Sürücülük Məktəbində rayon arıçıları ilə “Arılara erkən yaz baxımı” mövzüsunda tədbir keçirilib. Tədbirin keçirilməsində əsas məqsədi Texniki Peşə və Sürücülük Məktəbində təhsil alan müdavimlərlə daha təcrübəli arıçıların görüşünü təşkil etmək, onların bilik və təcrübələrindən yararlanmaq olub.

Şərur Rayon Şahmat Məktəbində Şahmat Federasiyasının Şərur Rayon Bölməsi, Şərur Rayon Təhsil Şöbəsi və Şahmat Məktəbinin birgə təşkilatçılığı ilə rayonlar arası tempo yarışı təşkil olunmuşdur. Yarışın yekun nəticəsinə görə ümümi yarışda I yerin qalibi  Ələddin Bayramov, II yerin qalibi Əli Hüseyinzadə, III yerin qalibi isə Zakir İsmayıkov olmuşdur. 14 yaşl qızlar arasında Aysu Yusifli, 12 yaşlı qızlar arasında Mələk Babayeva, 10 yaşlı qızlar arasında Sara Rzayeva, 8 yaşlı qızlar arasında isə Duyğu Həsənova I yerə layiq görülmüşdür. Oğlan şahmatçılardan isə 14 yaşlı oğlanlar arasında Anar Cəfərli, 12 yaşlı oğlanlar arasında isə Gürkan Seyidov qalib olmuşdur.

Sədərək Rayon Təhsil Şöbəsində təhsilyanı şuranın iclası keçirilib. Keçirilən iclasda Təhsil Şöbəsinin əməkdaşları və ümumtəhsil məktəblərinin rəhbərləri iştirak edib.

İclasın gedişində Sədərək rayon ümumtəhsil məktəblərində normativ sənədlərin icrası, Azərbaycan dili və Ədəbiyyat fənninin tədrisi vəziyyətinə dair yoxlamalar, o cümlədən, 22 noyabr və 25 dekabr 2020-ci il tarixlərində Təhsil Nazirliyi tərəfindən IX-XI sinif şagirdləri üçün keçirilmiş buraxılış, test blok imtahanı formatında keçirilən sınaq imtahanlarının nəticələri və Respublika fənn olimpiadalarının rayon və Muxtar respublika mərhələsinin nəticələrinin təhlili və müzakirəsi aparılıb.