Naxçıvan Muxtar Respublikası Şahmat Federasiyası, Sədərək Rayon Bölməsi, Sədərək Rayon Təhsil Şöbəsi və Şahbuz Rayon Uşaq Gənclər Şahmat məktəbinin birgə təşkilatçılığı ilə “Can Azərbaycan” devizi altında yoldaşlıq görüşü keçiriləcək.

Görüş 6 fevral saat 15:30-da lichess.org onlayn internet plartforması vasitəsilə keçiriləcəkdir.

Hər komandada 6 olmaqla, görüşdə ümumilikdə 12 müxtəlif dərəcəli şahmatçı şagirdin iştirakı nəzərdə tutulur.

Yarışın yekun nəticələri Naxçıvan Muxtar Respublikası Təhsil Nazirliyi və Şahmat Federasiyasının rəsmi internet saytlarında elan ediləcəkdir.

Muxtar respublikada dini-mədəni dəyərlərimizə qayğı ilə yanaşılır, ziyarətgahlar və qədim məscidlər bərpa olunur. Ordubad şəhərindəki qədim Cümə məscidində də bərpa işləri aparılır.

Fevralın 5-də Naxçıvan Muxtar Respublikası Ali Məclisinin Sədri Vasif Talıbov Ordubad şəhərindəki qədim Cümə məscidinin bərpası ilə maraqlanıb.

Məlumat verilib ki, məscidin memarlıq görkəmi XVII-XVIII əsrlərə aid abidələrin başlıca cəhətlərini özündə əks etdirir. Bərpa zamanı milli memarlıq elementlərindən istifadə olunur.

Ali Məclisin Sədri məsciddə bərpa işlərinin mart ayından etibarən davam etdirilməsi barədə tapşırıq verib.

Həmin gün yeni xidmət mərkəzinin də açılışı olub.

Naxçıvan Muxtar Respublikası Ali Məclisinin Sədri Vasif Talıbov xidmət mərkəzində yaradılan şəraitlə tanış olub.

Məlumat verilib  ki, mərkəzdə bərbərxana, gözəllik salonu, ət satışı yeri, ərzaq və təsərrüfat malları mağazaları, dərzi yeri və iki anbar vardır. Burada xidmət sahələrinin fəaliyyəti üçün nümunəvi şərait yaradılıb, 6 sakin işlə təmin olunub.