Naxçıvan Muxtar Respublikası Şahmat Federasiyası Sədərək Rayon Bölməsi, Sədərək Rayon Təhsil Şöbəsi, Türkiyənin İzmir Deha Satranc Spor Kulübü və Pakistan Akıl Sporları Satranc Kulübünün birgə təşkilatçılığı ilə “3 Dövlət, Tək Ürək” devizi altında yoldaşlıq görüşü keçiriləcəkdir.

Oyun fevralın 7-si saat 12:00-da lichess.org internet plartforması vasitəsilə keçiriləcək. Onlayn baş tutacaq görüşdə hər komandada 12 olmaqla, ümumilikdə 36 müxtəlif dərəcəli şahmatçı şagirdin iştirakı nəzərdə tutulub.

Türkiyə Respublikası Xaricdəki Türklər və Qohum İcmaları İdarəsinin Beynəlxalq Dairə Başkanlığı koordinatoru Engin Vural və Mədəniyyət, Sosial İşlər Dairə Başkanlığı koordinatoru Sevilay Yıldırım Naxçıvan Muxtar Respublikasına səfəri çərçivəsində Naxçıvan Muxtar Respublikası Təhsil Nazirliyində olublar.

Görüşdə Təhsil naziri Rəhman Məmmədov qonaqları salamlayaraq muxtar respublikada təhsilin inkişafı istiqamətində görülən işlər, yaradılan müasir təhsil şəraiti haqqında məlumat verib. Bildirib ki, təhsil müəssisələrinin infrastrukturunun müasirləşdirilməsi, müasir kompüter və elektron lövhələrlə təchizatı, laboratoriya və fənn kabinələrinin zəruri avadanlıqlarla təmin olunması, kitabxana fondlarının zənginləşdirilməsi tədrisin yüksək səviyyədə təşkilinə geniş imkanlar açmışdır.

Bu gün Kəngərli Rayon Təhsil Şöbəsinin təşkilatçılığı ilə Qıvraq qəsəbə tam orta məktəbinin şagirdləri üçün Şahtaxtinskilərin Ev  Muzeyində açıq dərs keçirilib.

Muzeyin bələdçisi Yaqut Əsədova şagirdlərin diqqətinə çatdırıb ki, Şahtaxtinskilərin Ev Muzeyi Naxçıvan Muxtar Respublikası Ali Məclisi Sədrinin 2010-cu il 9 fevral tarixli Sərəncamına əsasən Kəngərli rayonunun Şahtaxtı kəndində yaradılıb. Burada iki ekspozisiya zalı və otağı, ekspozisiya zallarında isə 150-dən çox eksponat nümayiş etdirildiyini qeyd edib.