Naxçıvan Şəhər Peşə Liseyində 22 dekabr 2020-ci il tarixdə “Yol Hərəkəti qaydaları uşaqların gözü” ilə adlı tədbir keçirilib.

Tədbiri giriş sözü ilə açan Liseyin Direktoru Sona Əliyeva bildirib ki, tədbirin əsas məqsədi piyada və sərnişinlərin yol hərəkəti təhlükəsizliyi qaydaları ilə bağlı məlumatlılıq səviyyəsini yüksəltmək, liseydə təhsil alan müdavimlərə təhlükəsiz davranış vərdişləri barədə məlumat verməkdir.

Muxtar respublika fənn olimpiadasının və “Ürəklərdə yaşayan dahi” mövzusunda inşa yazı müsabiqəsinin qaliblərinin mükafatlandırılması mərasimi keçirilib.

Tədbirdə Naxçıvan Muxtar Respublikasının Təhsil naziri Rəhman Məmmədov çıxış edərək bildirib ki, dövlətimizin hərtərəfli diqqət və qayğısı ilə təhsil müəssisələrinin maddi-tədris bazası daha da möhkəmləndirilib, tədris prosesi günün tələbləri səviyyəsində qurulub. Fənn kabinələri, fizika, kimya, biologiya laboratoriyaları zəruri avadanlıqlarla təmin olunub. Yaradılan şərait yeni təlim metodlarının, o cümlədən STEAM təhsil metodunun tətbiqi üçün geniş imkanlar açıb. Bütün bunlar isə təhsilin səviyyəsinin yüksəldilməsini təmin edib, istedadı və yaradıcı təfəkkürü ilə seçilən şagirdlər formalaşdırılıb. Belə şagirdləri aşkar etmək istiqamətində də müxtəlif tədbirlər həyata keçirilir. Bu tədbirlər sırasında hər il muxtar respublikada keçirilən fənn olimpiadaları və inşa yazı müsabiqələri mühüm əhəmiyyət kəsb edir.

23 dekabr 2020-ci il tarixdə STEAM təlim  kurslarında “Əməliyyat oyunu” və “Öz təhlükəsizlik sis­teminizi qurun” mövzusunda dərs keçirilmişdir. Təlim zamanı müəllimlər proqramın kodlaşdırma və qurma hissəsi ilə eyni zamanda fərqli proqram blokları ilə tanış olublar. Kodlaşdırma hissəsini bitirdikdən sonra müəllimlər fiziki hissə, yəni batareyaları batareya qutusunun içərisinə yerləşdirdikdən sonra Mikrobit ilə birləşdirərək prototip hazırlayıblar.