Ümummilli liderimiz Heydər Əliyev demişdir: “Müstəqil dövlətdə yaşayan hər bir gənc birinci növbədə yaxşı təhsil almalı, vətənpərvərlik əhval-ruhiyyəsi ilə tərbiyə olunmalıdır”. Muxtar respublikada bütün sahələr kimi, təhsil də qayğı ilə əhatə olunmuşdur. Bunun nəticəsidir ki, ötən illərdə 200-dən çox təhsil müəssisəsi tikilmiş və ya əsaslı şəkildə yenidən qurulmuşdur. Təhsil müəssisələrində elektron təhsilin təşkili, elm, ali və orta ixtisas təhsili müəssisələri ilə ümumtəhsil məktəbləri arasında əlaqələrin yaradılması, nümunəvi dərslərin keçirilməsi, innovasiyaların tətbiqi şagirdlərin biliklərinin artırılmasında, vətənpərvərlik və milli-mənəvi dəyərlərə sadiqlik ruhunda tərbiyəsində mühüm rol oynayır.
Noyabrın 26-da Culfa Rayon Təhsil Şöbəsinin yeni binası istifadəyə verilib.
Ümummilli liderimiz Heydər Əliyevin müəyyənləşdirdiyi sürətli sosial-iqtisadi inkişaf strategiyası Naxçıvanın Şərqə açılan qapısı olan Culfa rayonunu da əhatə etmişdir. Aparılan kompleks quruculuq işləri, yaradılan müasir infrastruktur, rahat iş və xidmət şəraiti yaranmasının 90 ili tamam olan Culfa rayonunda sakinlərin firavan yaşayışını təmin etmişdir. Bu il də rayonda kompleks tikinti-quruculuq işləri həyata keçirilib.
Naxçıvan Muxtar Respublikası Ali Məclisi Sədrinin 3 aprel 2019-cu il tarixli “Ali və orta ixtisas təhsili müəssisələrinin müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamının icrasının təmin olunması məqsədilə 26 noyabr 2020-ci il tarixdə Naxçıvan Muxtar Respublikası Maliyyə Nazirliyinin əməkdaşı tərəfindən Naxçıvan Dövlət Texniki Kollecində “Mühasibat uçotu” ixtisasının tələbələri ilə açıq dərs keçirilib.
Noyabrın 26-da Sədərək kənd 1 nömrəli tam orta məktəbdə Uşaq-Gənclər İdman Məktəbi və Tennis İdman Kulubunun şagirdləri arasında yoldaşlıq görüşü keçirilib. Görüşün keçirilməsində məqsəd məktəblilər arasında tennis idman növünün kütləviliyinə nail olmaq və şagirdlər arasında stolüstü tennis üzrə yoldaşlıq görüşlərinin, yarışların təşkil edilməsi ilə onları fəal idman həyatına cəlb etməkdən ibarət olub. Stolüstü tennis turniri Sədərək Rayon Təhsil Şöbəsi və Uşaq-Gəclər İdman Məktəbinin birgə təşkilatçılığı ilə keçirilib.
